VIDEO: ગીર-ગઢડાના ફરેડા રોડ ઉપર એક સાથે 7 સિંહોનું ટોળું જોવા મળ્યું
છેલ્લું અપડેટ : 11 Dec 2025
સોર્સ : GSTV
VIDEO: ગુજરાતીમાં કહેવત છે કે, સિંહોના ટોળા નહિ અને સાધુની જમાત નહિ પરંતુ ગીર-સોમનાથ જિલ્લાના ગીર-ગઢડામાં આ કહેવત સાવ ખોટી પડી હોય તેવું લાગી રહ્યું છે. કારણ કે, ગીર-સોમનાથ જિલ્લામાં આવેલા ગીર-ગઢડા શહેરની આસપાસ એક મહિનાથી સિંહો કાયમી વસવાટ કરી રહ્યા હોવાનું સામે આવી રહ્યું છે. જેથી રાત્રિના સમયે સિંહ પરિવાર ગમે ત્યારે લટાર મારતો નજરે પડતો હોય છે.
આવું જ એક દ્રશ્ય સામે આવ્યું છે. જેમાં માદા સિંહણ સાથે સિંહ બાળની લટાર મોબાઈલ ફોનના કેમેરામાં કેદ થઈ હતી. ગીરગઢડાના ફરેડા રોડ પર સિંહોનું ટોળું આવી જતા રસ્તામાંથી પસાર થતા રાહદારીઓ આ નજારો મોબાઈલ કેમેરામાં કેદ કર્યો હતો. વન વિભાગને આ અંગે ઘણીવાર રજૂઆત કરવા છતાં આ સ્થળ પર પેટ્રોલિંગ કરવામાં નથી આવતું હોવાનું સામે આવ્યું છે.
