ગુજરાતમાં વિદેશી પ્રવાસીઓની અવરજવર વધી, દેશમાં 7મા નંબરનું વ્યસ્ત એરપોર્ટ

ગુજરાતમાં એક જ મહિનામાં 1.78 લાખ આંતરરાષ્ટ્રીય મુસાફરોની અવરજવર નોંધાઇ છે. એક જ મહિનામાં દેશના જે રાજ્યમાં સૌથી વધુ આંતરરાષ્ટ્રીય મુસાફરોની અવરજવર નોંધાઇ હોય તેમાં ગુજરાત સાતમાં સ્થાને છે. જુલાઇ મહિનામાં અમદાવાદમાંથી 1.67 લાખ આંતરરાષ્ટ્રીય જ્યારે 11,344 ડોમેસ્ટિક મુસાફરોની અવરજવર હતી. સાત મહિનાના આ સમયગાળામાં દિલ્હીમાંથી સૌથી વધુ 17.19 લાખ આંતરરાષ્ટ્રીય મુસાફરો નોંધાયા છે. 

છેલ્લા એક મહિનામાં આંતરરાષ્ટ્રીય પ્રવાસીઓ

મળતી માહિતી અનુસાર,જુલાઇ મહિનામાં ગુજરાતના એરપોર્ટમાં 11.67 લાખ ડોમેસ્ટિક અને 1.78 લાખ આંતરરાષ્ટ્રીય એમ કુલ 13.45 લાખ મુસાફરોની અવરજવર નોંધાઇ હતી. જેમાં અમદાવાદના સરદાર વલ્લભભાઇ પટેલ એરપોર્ટથી જ 1.67 લાખ ઈન્ટરનેશનલ અને 8.33 લાખ ડોમેસ્ટિક મુસાફરોનો સમાવેશ થાય છે. 

અમદાવાદ એરપોર્ટ પર આંતરરાષ્ટ્રીય મુસાફરો

અમદાવાદ એરપોર્ટમાં આ વર્ષે જાન્યુઆરીથી જુલાઇમાં આંતરરાષ્ટ્રીય મુસાફરોની અવરજવરનો આંક વધીને 12.43 લાખ થયો છે. જેની સરખામણીએ વર્ષ 2023 જાન્યુઆરીથી જુલાઈમાં 10.37 લાખ મુસાફરો હતા. બીજી તરફ ડોમેસ્ટિક  મુસાફરોની અવર-જવરનો આંક સાત મહિનામાં 63.01 લાખ થયો છે. જુલાઇ મહિનાની જ વાત કરવામાં આવે તો અમદાવાદથી 1,119 ઈન્ટરનેશનલ અને 6, 433 ડોમેસ્ટિક ફ્‌લાઇટની અવર-જવર હતી. જુલાઇમાં અમદાવાદથી 10 લાખથી વઘુ મુસાફરો નોંધાયા છે. આ સ્થિતિએ પ્રત્યેક દિવસે અમદાવાદ એરપોર્ટથી સરેરાશ 32,271 મુસાફરો અને 243 ફ્‌લાઇટની અવર-જવર નોંધાય છે.
 
જુલાઇ મહિના દરમિયાન ગુજરાતના અન્ય એરપોર્ટમાંથી વડોદરામાં 93,284, રાજકોટમાં 76,586  સુરતમાં 1.35 લાખ, ભુજમાં 13,571, દીવમાં 3090 મુસાફરોની અવરજવર હતી.