Video: દાણીલીમડામાં કૌટુંબિક ઝઘડાએ હિંસક સ્વરૂપ ધારણ કર્યું, મારામારી કરનાર 4 આરોપીઓની અટકાયત

અમદાવાદના દાણીલીમડા વિસ્તારમાં કૌટુંબિક ઝઘડાએ હિંસક સ્વરૂપ ધારણ કર્યું છે. મહિલાઓ વચ્ચે થયેલી છૂટા હાથની મારામારીના ચોંકાવનારા દ્રશ્યો સીસીટીવી કેમેરામાં કેદ થયા છે. આ ઘટનાને પગલે દાણીલીમડા પોલીસે તાત્કાલિક કાર્યવાહી કરી ચાર આરોપીઓની અટકાયત કરી છે. પોલીસે ગુનો નોંધીને મારામારી પાછળના મુખ્ય કારણો જાણવા વધુ તપાસ હાથ ધરી છે. ધોળા દિવસે થયેલી આ અથડામણને પગલે સ્થાનિકોમાં પણ ચર્ચા જાગી છે.