Video: સુરતમાં દશેરાએ જલેબી-ફાફડાના ભાવવધારા વચ્ચે પણ ખરીદી માટે વહેલી સવારથી ભારે ભીડ

 આજે વિજયાદશમીના પાવન પર્વે સુરતમાં ફાફડા-જલેબીના ધૂમ વેચાણ સાથે ઉત્સવનો માહોલ જોવા મલ્યો છે. દશેરાના દિવસે ફાફડા-જલેબી ખાવાની વર્ષો જૂની પરંપરાને જાળવી રાખતા સુરતીલાલાઓ વહેલી સવારથી જ મિષ્ટાનની દુકાનો પર લાંબી કતારોમાં ઉભા રહી ગયા છે. ગત વર્ષની સરખામણીએ આ વર્ષે મોંઘવારીના કારણે ફાફડા અને જલેબીના ભાવમાં કિલોએ   ૮૦ થી ૧૦૦ રૂપિયા સુધીનો ધરખમ વધારો નોંધાયો છે. છતાં પણ  સુરતી લાલાઓના ઉત્સાહમાં કોઈ ઘટાડો થયો નથી. ભાવવધારાને બાજુ પર મૂકીને સુરતીઓ આજે કરોડો રૂપિયાના ફાફડા-જલેબી ખરીદીને મન ભરીને જ્યાફત માણી છે..