Video: છોટાઉદેપુરના મીઠા સીતાફળની માંગ વધી, આદિવાસીઓને મળી રોજગારી

છોટાઉદેપુર જિલ્લાના ડુંગરાળ અને જંગલ વિસ્તારોમાં પાકતા કુદરતી મીઠા અને લિજ્જતદાર સીતાફળની રાજ્યભરમાં ભારે બોલબાલા જોવા મળી રહી છે. આ સિઝન શરૂ થતાં જ અહીંના આદિવાસી અને ગ્રામીણ પરિવારો માટે સીતાફળ પૂરક રોજગારીનું મુખ્ય માધ્યમ બન્યા છે. સ્થાનિકો વહેલી સવારે જંગલમાંથી સીતાફળ વીણીને વડોદરા, અમદાવાદ અને સુરત જેવા મોટા શહેરોમાં વેચાણ માટે મોકલે છે. ઓછી મહેનતે સારો નફો આપતી આ કુદરતી ભેટ ગ્રામીણ અર્થતંત્રને મજબૂત બનાવી રહી છે. જો તંત્ર દ્વારા યોગ્ય સંગ્રહ અને બજાર વ્યવસ્થા પૂરી પાડવામાં આવે તો ખેડૂતોને વધુ આર્થિક ફાયદો થઈ શકે તેમ છે.