VIDEO: ડાંગના આહવા સબજેલમાંથી ફરાર બે આરોપીઓમાંથી એકને પોલીસે ઝડપી પાડ્યો

ડાંગના આહવા સબજેલમાંથી ફરાર થયેલા બે આરોપીઓમાંથી એકને પોલીસે ઝડપી પાડ્યો છે. 4 જૂનની રાત્રે પેટમાં દુખાવાનું બહાનું કરીને જેલ સ્ટાફને ધક્કો મારીને ફરાર થયેલા ગીરીશ બાગુલને નીલશાકીયા ગામેથી પોલીસે એક મકાનમાંથી ઝડપી પાડ્યો છે. ડાંગ જિલ્લા પોલીસ અધિક્ષકના માર્ગદર્શન હેઠળ રચાયેલી ટીમોએ આ સફળતા મેળવી છે. આરોપી વિરુદ્ધ અગાઉ હત્યા, અપહરણ, દુષ્કર્મ અને પોક્સો એક્ટ સહિતના ગંભીર કેસ નોંધાયેલા છે. વિજય મંગુભાઈ ધુમની શોધખોળ ચાલુ છે.