VIDEO: ડાંગના સુબીરમાં મોટી દુર્ઘટના: હાટ બજારથી પરત ફરતી જીપ ખાઈમાં ખાબકી, 13 ઈજાગ્રસ્ત
છેલ્લું અપડેટ : 08 Jul 2026
સોર્સ : gstv
ડાંગ જિલ્લાના સુબીર ખાતે ભરાતા હાટ બજારમાંથી ખરીદી કરી પરત ફરી રહેલી એક પેસેન્જર જીપને અકસ્માત નડ્યો હતો. જીપની બ્રેક ફેલ થઈ જવાને કારણે તે માર્ગની સાઈડમાં આવેલી ઊંડી ખાઈમાં ખાબકી હતી. આ દુર્ઘટનામાં કુલ ૧૩ મુસાફરો ઈજાગ્રસ્ત થયા હતા.તેમાંથી ૧૦ પેસેન્જરોને સામાન્ય ઈજા થતાં તાત્કાલિક સુબીર સામુહિક આરોગ્ય કેન્દ્રમાં સારવાર અર્થે ખસેડાયા હતા. જ્યારે અન્ય ૩ પેસેન્જરોની હાલત ગંભીર હોવાથી તેમને વધુ સારવાર માટે આહવા સિવિલ હોસ્પિટલ ખાતે રીફર કરવામાં આવ્યા છે. ઘટનાની જાણ થતાં જ સુબીર પોલીસ મથકના પીઆઈ સહિતનો કાફલો ઘટનાસ્થળે દોડી ગયો હતો અને આગળની કાર્યવાહી હાથ ધરી હતી.
