VIDEO: નવસારીમાં ભ્રષ્ટાચારનો ભુવો: નવો બનેલો રસ્તો 10 ફૂટ બેસી ગયો

નવસારી મહાનગરપાલિકાના મિથિલા નગરી વિસ્તારમાં તંત્રની ઘોર બેદરકારી સામે આવી છે. GUDC હેઠળ તાજેતરમાં જ કરાયેલા ડ્રેનેજના કામની હલકી ગુણવત્તાને કારણે, ચોમાસાની શરૂઆતના સામાન્ય વરસાદમાં જ મુખ્ય માર્ગ પર અંદાજે 8થી 10 ફૂટ ઊંડો મોટો ભુવો પડી ગયો છે.ભારે રહેણાંક ધરાવતા આ વિસ્તારના મુખ્ય રસ્તા પર જ મોટો ખાડો પડતાં હવે વાહનચાલકો માટે અકસ્માતનો ખતરો ખૂબ વધી ગયો છે. આ ઘટનાને પગલે સ્થાનિક લોકોમાં તંત્ર સામે ભારે રોષ જોવા મળી રહ્યો છે. લોકોએ આ માર્ગનું તાત્કાલિક સમારકામ કરવા અને હલકું કામ કરનાર જવાબદારો સામે કડક કાર્યવાહી કરવાની માંગ કરી છે.