VIDEO: VIDEO: નવસારીમાં પ્રિ-મોન્સૂન કામગીરીની પોલ ખુલી: ચાલુ વરસાદે રોડ બનાવવાનું કૌભાંડ

નવસારી શહેરમાં તંત્ર અને કોન્ટ્રાક્ટરની ઘોર બેદરકારી સામે આવી છે. ટાટા સ્કૂલથી વેરાવળ જતા મુખ્ય માર્ગ પર ધોધમાર વરસાદની વચ્ચે જ રોડ બનાવવાની કામગીરી ધમધમી રહી છે. નવાઈની વાત એ છે કે, સિમેન્ટમાં સીધી માટી અને કપચી મિક્સ કરીને હલકી કક્ષાનું લોલંલોલ ચલાવવામાં આવી રહ્યું છે. ચોમાસું શરૂ થવાના ચાર મહિના પહેલાથી આ રોડનું કામ શરૂ કરાયું હતું, છતાં સમયસર પૂરું ન થતાં હવે ચાલુ વરસાદે ભ્રષ્ટાચાર આચરાતો હોય તેવા દ્રશ્યો સર્જાયા છે. મહાનગરપાલિકા દ્વારા વારંવાર કોન્ટ્રાક્ટરોને કડક તાકીદ કરવા છતાં, કોન્ટ્રાક્ટરે તંત્રના આદેશોને ઘોળીને પી લીધા છે.