ચોટીલા મંદિરમાં ચૈત્ર નવરાત્રિને લઈ વ્યવસ્થામાં ફેરફાર, જાણો તારીખ અને સમય

સુરેન્દ્રનગરના ચોટીલામાં આવેલ ચામુંડા માતાજીના મંદિરના સમયમાં ફેરફાર કરાયો છે. સુરેન્દ્રનગર જિલ્લાના ચોટીલા તાલુકામાં આવેલું ચામુંડા માતાજીનું મંદિર એ એક પવિત્ર યાત્રાધામ છે. લોકો ઠેર ઠેરથી માતાજીના દર્શનાર્થે ચોટીલા આવતા હોય છે. એવામાં ચૈત્રી નવરાત્રીને લઈ દર્શન આરતીના સમયમાં ફેરફાર કરવામાં આવ્યા છે.

મળતી માહિતી પ્રમાણે ચોટીલા મંદિરમાં 30 માર્ચથી 6 એપ્રિલ સુધી સમયમાં ફેરફાર કરવામાં આવ્યો છે. ડુંગરના પગથિયા સવારે 5 વાગ્યે ખુલશે અને માતાજીની આરતીનો સમય 5:30 કલાકનો રહેશે. આ સાથે જ સંધ્યા આરતી રાબેતા મુજબ સુર્યાસ્ત સમયે રહેશે. મંદિરના ભોજનાલયમાં ભોજન પ્રસાદ સવારે 11થી 2 વાગ્યા સુધી રહેશે. ભક્તોને હાલાકી ન પડે તે માટે મંદિરના ટ્રસ્ટ દ્વારા આ નિર્ણય લેવામાં આવ્યો છે.