VIDEO: જેતપુર પંથકના વાતાવરણમાં પલટો, કમોસમી વરસાદ ખાબકતાં તૈયાર પાકને નુકસાન થવાની ભીતિ

રાજકોટના જેતપુર શહેર સહિત આસપાસના પંથકમાં આજે વાતાવરણમાં ઓચિંતાનો પલટો જોવા મળ્યો છે. વહેલી સવારથી જ આકાશ કાળાં ડિબાંગ વાદળોથી ઘેરાયું હતું અને હળવા પવન સાથે વરસાદી છાંટા પડ્યા હતા. ધોમધખતા ઉનાળામાં સર્જાયેલા આ મેઘાવી માહોલને કારણે તાપમાનમાં ઘટાડો થયો છે, પરંતુ બીજી તરફ તૈયાર પાકને નુકસાન થવાની ભીતિએ ખેડૂતોમાં ભારે ચિંતા વ્યાપી છે. કમોસમી વરસાદના આ સંકટે ફરી એકવાર જગતના તાતને મુશ્કેલીમાં મૂકી દીધો છે.