VIDEO: દાનહના મોરખલમાં ત્રણ વર્ષથી ધોવાયો પુલ, ખાડી પાર કરવાનો માત્ર આધાર દિવાલ

દાદરા નગર હવેલીના મોરખલ ગામના લોકો છેલ્લા ત્રણ વર્ષથી જીવલેણ મુશ્કેલીનો સામનો કરી રહ્યા છે. રાતા ખાડી પર આવેલો પુલ 3 વર્ષ પહેલાં વરસાદમાં ધોવાઈ ગયો હતો, જે આજે સુધી ફરીથી બાંધવામાં આવ્યો નથી. આ પુલ ગામને જોડતું એકમાત્ર માર્ગ હતું. પુલ ધોવાઈ જતાં આખું ગામ બે ભાગમાં વહેંચાઈ ગયું છે અને લોકોને રોજિંદી આવા-જવા માટે જીવ જોખમમાં મૂકી ખાડી પાર કરવી પડી રહી છે. હાલ પુલના અડધા હિસ્સાનું નામ-નિશાન પણ રહી નથી. ખાડીમાં પાણીનો સ્તર વધે ત્યારે લોકો માત્ર એક નબળી દીવાલનો સહારો લઈને અવરજવર કરે છે. ખાસ કરીને ચોમાસા દરમિયાન ખાડીમાં પૂર જેવી પરિસ્થિતિ સર્જાય ત્યારે લગભગ 4000થી વધુની વસ્તી આખી દુનિયા સાથેનો સંપર્ક ગુમાવી દે છે.