VIDEO: ભાવનગર: તળાજા-મહુવાના દરિયાકાંઠાના ગામડાઓમાં વાવણીલાયક વરસાદ

ભાવનગર જિલ્લાના તળાજા અને મહુવા તાલુકાના દરિયાકાંઠાના વિસ્તારોમાં મેઘરાજાએ આગમન કર્યું છે. ઊંચકોટડા, કલસાર, દાઠા, મેથળા, ઝંઝમેર, ગોપનાથ, પીથલપુર અને વેજોદરી સહિતના ગામોમાં સારો વરસાદ વરસતા ખેડૂતોમાં ખુશીનો માહોલ છવાયો છે. લાંબા સમયથી વરસાદની રાહ જોઈ રહેલા ધરતીપુત્રોને રાહત મળી છે. ભારે ગરમી અને ઉકળાટ બાદ વરસાદથી સમગ્ર વિસ્તારમાં ઠંડક પ્રસરી ગઈ છે. વરસાદના કારણે ખેતીને નવજીવન મળ્યું છે અને ખેડૂતો ઉત્સાહભેર વાવણીના કામમાં જોડાયા છે. વરસાદી માહોલથી ગ્રામ્ય વિસ્તારોમાં ખુશીની લહેર જોવા મળી રહી છે.