Ahmedabad એરપોર્ટ પરથી નશીલા પદાર્થો ઘુસાડવાનો પ્રયાસ, મલેશિયાથી આવેલા શખ્સ પાસેથી 30 કરોડનું હેરોઈન જપ્ત

અમદાવાદના સરદાર વલ્લભભાઈ પટેલ ઇન્ટરનેશનલ એરપોર્ટ પર કસ્ટમ વિભાગે 30 કરોડની કિંમતનું 7 કિલો હેરોઈન જપ્ત કર્યું છે. મલેશિયાથી આવેલા એક મુસાફર પાસેથી આ જથ્થો પકડવામાં આવ્યો છે. આ અંગે કસ્ટમ વિભાગે વધુ તપાસ હાથ ધરી છે.  

આ હતી મોડસ ઓપરેન્ડી

અમદાવાદ એરપોર્ટ નશીલા પદાર્થોની તસ્કરીનું હબ બની રહ્યું છે. એરપોર્ટ પર કસ્ટમ વિભાગે 30 કરોડની કિંમતનું 7 કિલો હેરોઈન જપ્ત કર્યું છે. કુઆલાલમ્પુરથી એર એશિયાની આવેલા એક મુસાફર પાસેથી આ જથ્થો મળી આવ્યો છે. તમિલનાડુના રહેવાસી આ મુસાફર પાસેથી હેરોઈનના 29 પેકેટ્સ મળી આવ્યા. આ જથ્થો સાબુના પેકિંગમાં લવાયો હતો. વ્હાઇટ પેપર અને એની ઉપર સિલ્વર ફોઈલ તેમજ ઉપરથી કાર્બન પેપરમાં પેકિંગ કરાયું હતુ, જેથી મશીનમાં ડિટેક્ટ ન થઈ શકે. આ એક નવી મોડસ ઓપરેન્ડી છે. હેરોઈનના 29 પેકેટ્સમાંથી 26 પેકેટ સાબુની સાઈઝમાં મળ્યા છે.