VIDEO: મેઘરજના કુણોલ ગામે સ્મશાનની બિસ્માર હાલત, અંતિમવિધિ માટે વલખાં મારતા ગ્રામજનો
છેલ્લું અપડેટ : 27 Oct 2025
VIDEO: અરવલ્લી જિલ્લાના મેઘરજ તાલુકામાં આવેલા કુણોલ ગામમાં સ્મશાનની સ્થિતિ બિસ્માર છે. જેથી ગ્રામજનોને પોતાના સ્વજનોની અંતિમવિધિ માટે વલખાં મારવા પડે તેવી સ્થિતિ સર્જાઈ છે. સ્મશાનમાં કોઈ સુવિધા નથી. મૃતદેહની અંતિમવિધિ માટે ઉપર કોઈ છત કે સહારો નથી. જેથી ચાલુ વરસાદમાં ગામમાં કોઈનું અવસાન થાય તો ડાઘુઓને વરસાદમાં પલળતા અંતિમવિધિ કરવી પડે છે. સ્થાનિક તંત્ર પણ આ અંગે કોઈ કાર્યવાહી કરતું નથી.
મેઘરજના કુણોલ ગામમાં છેલ્લા બે દિવસથી કમોસમી વરસાદ વરસી રહ્યો છે. આવા માવઠાની સ્થિતિમાં અંતિમવિધિ કરવા ડાધુઓ મજબૂર બન્યા હતા. કુણોલ ગામનું સ્મશાન બિસ્માર હાલતમાં હોવાને લઇ ગામના લોકોને ખૂબ મુશ્કેલી પડી રહી છે. કુણોલના વચલા મુવાડા ગામની વૃદ્ધ મહિલાનું નિધન થતા ડાધુઓ સ્મશાને પહોંચ્યા હતા. પરંતુ ભરશિયાળે પણ અંતિમ વિધિ માટે વલખાં મારતા નજરે પડયા હતા. આ અંગે ગ્રામજનોએ ગ્રામપંચાયતમાં વારંવાર રજૂઆત કરવાં છતાં સ્મશાનમાં કોઈપણ પ્રકારની સુવિધા કરી નથી.
