VIDEO/ Aravalli: નિવૃત્ત વિધવા શિક્ષિકા ઓનલાઇન ફ્રોડનો ભોગ બન્યાં; સગા ભાણિયાએ જ કરી ₹10 લાખથી વધુની છેતરપિંડી

અરવલ્લી જિલ્લાના મેઘરજ તાલુકાના રાંજેડી ગામમાં રહેતા એક નિવૃત્ત વિધવા મહિલા શિક્ષિકા ઓનલાઇન ફ્રોડનો ભોગ બન્યા છે, પરંતુ આશ્ચર્યની વાત એ છે કે આ ફ્રોડ કોઈ અજાણ્યા ઠગે નહીં, પણ તેમના પોતાના સગા ભાણિયાએ જ અંજામ આપ્યો છે.

આ પણ વાંચો :

Aravalli: યાત્રાધામ શામળાજીમાં ફાગોત્સવનો પ્રારંભ; હવે હોળી સુધી ભગવાન શામળિયા ધારણ કરશે સફેદ વસ્ત્રો

Aravalli: બે અલગ-અલગ અકસ્માતમાં 2 બાઈક ચાલકોના મોત, એક ઈજાગ્રસ્ત

પ્રાપ્ત વિગતો અનુસાર, રાંજેડી ગામના નિવૃત્ત મહિલા શિક્ષિકાના મોબાઈલ ફોનનો ઉપયોગ કરી તેમના ભાણિયા નિખિલ હિમાંશુભાઈ ભગોરાએ વિશ્વાસઘાત કર્યો હતો. મામીને અંધારામાં રાખી, નિખિલે તેમના મોબાઈલમાંથી ફોનપે (PhonePe) મારફતે 85 ટ્રાન્ઝેક્શનમાં આશરે ₹10.18 લાખ રુપિયા ઉપાડ્યા હતા. સ્ટેટ બેંક અને એક્સિસ બેંક ખાતામાંથી પૈસા ટ્રાન્સફર કરાયા હતા. 

જ્યારે મહિલા શિક્ષિકાને તેમના ખાતામાંથી આટલી મોટી રકમ ઓછી થઈ હોવાની જાણ થઈ, ત્યારે સમગ્ર મામલો સામે આવ્યો હતો. તપાસ કરતા માલુમ પડ્યું કે આ કરતૂત બીજા કોઈની નહીં પણ સગા ભાણિયાની જ છે. આ મામલે મેઘરજ પોલીસ સ્ટેશનમાં ફરિયાદ નોંધાવવામાં આવી છે. મેઘરજ પોલીસે આરોપી નિખિલ ભગોરા સામે BNS (ભારતીય ન્યાય સંહિતા) અને IT એક્ટની વિવિધ કલમો હેઠળ ગુનો દાખલ કરી કાયદેસરની કાર્યવાહી હાથ ધરી છે.

આ પણ વાંચો :

Aravalli news: શામળાજી ચેકપોસ્ટ પાસે 2 બાઈક વચ્ચે ગમખ્વાર અકસ્માત, 2નાં મોત, 4 ઈજાગ્રસ્ત

Aravalli/ મેઘરજ તાલુકાના પહાડિયા નજીક બે બાઈક વચ્ચે અકસ્માત, બે યુવકોના મોત