VIDEO: મહુવાના કોંજળી ગામમાં નદીના ધસમસતા પ્રવાહમાં વૃદ્ધ તણાયા

ભાવનગરના મહુવા તાલુકાના કોંજળી ગામે રૂપાવો નદીમાં 75 વર્ષીય વૃદ્ધ ખેડૂત ભીખાભાઈ બાવલીયા ધસમસતા પ્રવાહમાં તણાઈ ગયા છે. છેલ્લા બે દિવસથી સતત વરસાદના કારણે નદી-નાળાઓમાં ઘોડાપૂર જેવી સ્થિતિ સર્જાઈ છે. મળતી માહિતી મુજબ વૃદ્ધ ખેડૂત વાડીએથી ઘરે પરત ફરતી વખતે કોઝવે પરથી પસાર થતાં અચાનક પાણીના ભારે પ્રવાહમાં વહી ગયા હતા. ઘટનાની જાણ થતાં જ મહુવા ફાયર વિભાગની ટીમ તાત્કાલિક સ્થળે પહોંચી ગઈ છે અને સ્થાનિકોની મદદથી શોધખોળ શરૂ કરી છે.