VIDEO: પ્રધાનમંત્રી ઇન્ટર્નશિપ યોજના પર કોંગ્રેસના પ્રહાર
છેલ્લું અપડેટ : 28 Jun 2026
સોર્સ : gstv
પ્રધાનમંત્રી ઇન્ટર્નશિપ યોજનાને લઈને ગુજરાત કોંગ્રેસે કેન્દ્ર સરકાર સામે આકરા સવાલ ઉઠાવ્યા છે. કોંગ્રેસના પ્રવક્તા ડૉ. મનિષ દોશીએ આક્ષેપ કર્યો છે કે આ યોજના કાગળ પર માત્ર શોભાના ગાંઠિયા સમાન છે, પરંતુ જમીની હકીકત સાવ અલગ છે.કોંગ્રેસના દાવા મુજબ, ગુજરાતમાં પ્રથમ તબક્કામાં 11,690 તકો જાહેર થઈ હતી, જેની સામે માત્ર 1,019 ઉમેદવારોએ જ સ્વીકૃતિ આપી છે, એટલે કે 92 ટકા તકોનો કોઈ ઉપયોગ જ નથી થયો. ખાસ કરીને ગ્રામીણ અને આદિવાસી વિસ્તારોમાં પરિવહન, રહેઠાણ અને જાગૃતિના અભાવે યુવાનો યોજનાથી વંચિત રહ્યા છે. આ સ્થિતિને પગલે કોંગ્રેસે સરકાર પાસે જિલ્લાવાર આંકડા જાહેર કરવા, સ્ટાઇપેન્ડ વધારવા અને સમગ્ર યોજના અંગે શ્વેતપત્ર બહાર પાડવાની માંગ કરી છે.
