International Yoga Day 2026: ગુજરાતની આ 4 વંદે ભારત એક્સપ્રેસ ટ્રેનોમાં મુસાફરોએ સીટ પર બેઠા-બેઠા કર્યા યોગ

Yoga Day Celebration In Vande Bharat Trains: 21 જૂન, 2026ના રોજ 12મા આંતરરાષ્ટ્રીય યોગ દિવસની દેશભરમાં ઉત્સાહપૂર્વક ઉજવણી કરવામાં આવી છે, ત્યારે પશ્ચિમ રેલવેના અમદાવાદ ડિવિઝનના વિવિધ મુખ્ય સ્થળોએ તેમજ ચાર વંદે ભારત એક્સપ્રેસ ટ્રેનોમાં ખાસ યોગ સત્રોનું આયોજન કરવામાં આવ્યું હતું. જેમાં ચાલતી ટ્રેનોમાં મુસાફરોને યોગ કર્યા હતા.

આ પણ વાંચો :

Chhota Udaipurમાં રાજ્યનો પહેલો 'રબ્બર ડેમ' તૈયાર: માત્ર 20 મિનિટમાં હવા ભરીને ઊભો થઈ જશે આ હેરણ નદીનો રબ્બર ડેમ

શાંતિપૂર્ણ માહોલમાં પૂરી થઈ NEET-UG પરીક્ષા, અગાઉની સરખામણીએ પેપર અઘરું નીકળતા વિદ્યાર્થીઓ ચિંતિત

વંદે ભારત એક્સપ્રેસ ટ્રેનોમાં ખાસ યોગ સત્રોનું આયોજન

આ પણ વાંચો :

Ahmedabadના મુસાફરો માટે મોટા સમાચાર; સાબરમતી રેલવે સ્ટેશનથી ઉપડતી આ 3 ટ્રેનો હવે ગાંધીગ્રામ રેલવે સ્ટેશનથી દોડશે

જામનગરના 9 વર્ષીય વિહાન ચેતરીયાએ સર કર્યો ફ્રેન્ડશીપ શિખર, આ કારનામું કરનાર ભારતનો સૌથી નાની વયનો પર્વતારોહક બન્યો

ડિવિઝનલ રેલવે મેનેજર વેદ પ્રકાશે જણાવ્યું હતું કે, 'આજે આંતરરાષ્ટ્રીય યોગ દિવસ નિમિત્તે અમદાવાદ રેલવે ડિવિઝન દ્વારા એક અનોખી પહેલ કરવામાં આવી હતી. સૌપ્રથમ અમે અમારા તમામ કર્મચારીઓ અને પરિવારોને યોગ સાથે જોડવાનો પ્રયાસ કર્યો હતો. અમારા વિવિધ કેન્દ્રો અને રેલવે સંસ્થાઓમાં મોટી સંખ્યામાં લોકોએ વીડિયો કોન્ફરન્સિંગ દ્વારા યોગ કાર્યક્રમમાં ભાગ લીધો હતો.'

બીજી ખાસ પહેલ તરીકે આજે અમે વંદે ભારત ટ્રેનોમાં મુસાફરી કરતા મુસાફરોને યોગ સાથે જોડવા માટે એક અનોખી પહેલ શરૂ કરી હતી. આ પહેલના ભાગ રૂપે યોગ ગુરુઓના સૂચનો ટ્રેનના પાઇપ્ડ મ્યુઝિક (ઓડિયો સિસ્ટમ) દ્વારા પ્રસારિત કરવામાં આવ્યા હતા અને દરેક કોચમાં હાજર સ્વયંસેવકોએ મુસાફરોને તેમની સીટ પર બેસીને યોગનો અભ્યાસ કરવામાં મદદ કરી હતી. મુસાફરોએ 10 થી 20 મિનિટ માટે સરળ યોગ કર્યા હતા. જેમાં ગરદન, હાથ, કાંડા અને ખભાનું પરિભ્રમણ, ઓમનો જાપ અને ધ્યાનનો સમાવેશ થાય છે.

સાબરમતી સ્થિત કોમ્યુનિટી હોલ ખાતે આયોજિત મુખ્ય કાર્યક્રમમાં યોગ ગુરુએ રેલવે અધિકારીઓ, કર્મચારીઓ, આરપીએફ સ્ટાફ, સ્કાઉટ્સ અને ગાઇડ્સ, નાગરિક સંરક્ષણ સભ્યોને કોમન યોગ પ્રોટોકોલ હેઠળ વિવિધ આસનો, પ્રાણાયામ અને ધ્યાન કસરતોની તાલીમ આપી હતી. આ ઉપરાંત, ઓલ્ડ રેલવે ઇન્સ્ટિટ્યૂટ-સાબરમતી, રેલવે ઇન્સ્ટિટ્યૂટ-કાંકરિયા, કોમ્યુનિટી હોલ-ગાંધીધામ અને કોમ્યુનિટી હોલ-વિરમગામ ખાતે પણ યોગ સત્રોનું આયોજન કરાયુ હતું.

આ વંદે ભારત ટ્રેનમાં મુસાફરોએ કર્યા યોગ

1. ટ્રેન નંબર 20902 ગાંધીનગર કેપિટલ – મુંબઈ સેન્ટ્રલ વંદે ભારત એક્સપ્રેસ

2. ટ્રેન નંબર 12462 સાબરમતી – જોધપુર વંદે ભારત એક્સપ્રેસ

3. ટ્રેન નંબર 26964 અસારવા - ઉદયપુર વંદે ભારત એક્સપ્રેસ

4. ટ્રેન નંબર 22925 અમદાવાદ – ઓખા વંદે ભારત એક્સપ્રેસ

અમદાવાદ ડિવિઝન દ્વારા ભૂતકાળમાં અમદાવાદ, મહેસાણા, પાલનપુર અને ગાંધીધામ સહિત વિવિધ મુખ્ય સ્ટેશનો પર સફળતાપૂર્વક યોગ શિબિરોનું આયોજન કરવામાં આવ્યું હતું, જેમાં રેલવે કર્મચારીઓ અને મુસાફરોએ ઉત્સાહપૂર્વક ભાગ લીધો હતો. નોંધનીય છે કે, આંતરરાષ્ટ્રીય યોગ દિવસ 2026ની થીમ "સ્વસ્થ વૃદ્ધત્વ માટે યોગ" છે.