Ahmedabad news: દંપતિ વચ્ચે ઝઘડો થતાં પતિએ કર્યું બે રાઉન્ડ ફાયરિંગ, પોલીસ આરોપીની કરી અટકાયત

અમદાવાદના વિજય ચાર રસ્તા પાસે પતિ-પત્નીનો ઝઘડો થતાં પતિએ ઘરની બહાર આવીને બે રાઉન્ડ ફાયરિંગ કરતાં સ્થાનિકોમાં દોડધામ મચી હતી. પોલીસે ફાયરિંગ કરનારની અટકાયત કરી વધુ તપાસ હાથ ધરી છે. 

સદ્નસીબે ઘટનામાં કોઈ જાનહાનિ ન થઈ

અમદાવાદના વિજય ચાર રસ્તા પાસે આવેલી સુભાષ સોસાયટીમાં બે રાઉન્ડ ફાયરિંગની ઘટના સામે આવી છે. પતિ-પત્નીનો ઝઘડો થતાં પતિએ આવેશમાં આવીને ઘરની બહાર બે રાઉન્ડ ફાયરિંગ કર્યું હતું. બંગલાના કમ્પાઉન્ડ અને દરવાજા પર એક-એક રાઉન્ડ ફાયરિંગ કરતાં દોડધામ મચી હતી, જો કે આ ઘટનામાં કોઈ જાનહાનિ થઇ નહોતી. ઘટનાની જાણ થતા યુનિવર્સિટી પોલીસે સ્થળ પર પહોંચી ફાયરિંગ કરનારની અટકાયત કરી વધુ તપાસ હાથ ધરી છે.