VIDEO: અમદાવાદ અને સુરત ક્રાઈમ બ્રાન્ચનું સંયુક્ત ઓપરેશન, કરોડોના નકલી નોટોના રેકેટનો કર્યો પર્દાફાશ

ગુજરાતમાંથી નકલી નોટોનું મોટું રેકેટ ઝડપાયું છે, રાજ્યના અમદાવાદમાંથી ખાસ અહેવાલ સામે આવ્યો છે. જેમાં  અમદાવાદ અને સુરત ક્રાઈમ બ્રાન્ચે સંયુક્ત ઓપરેશન હાથ ધરી કરોડોની નકલી નોટોનું રેકેટ ઝડપી પાડ્યું છે. શહેરના અમરાઈવાડીમાં દરોડા દરમિયાન 'ગવર્મેન્ટ ઓફ ઈન્ડિયા' લખેલી સત્યમ યોગ ફાઉન્ડેશનની ગાડીમાંથી નોટોની હેરાફેરીનો ખુલાસો થયો છે.પોલીસે ઝડપેલા તમામ  આરોપીઓની સખ્ત પૂછપરછ રીને સમગ્ર રેકેટનો પર્દાફાશ કરવાનો પ્રયાસ કરી રહી છે.  

આ પણ વાંચો :

અમદાવાદ/ ખુલશે 'ખ્યાતિ'ના નવા કાંડ: ક્રાઈમબ્રાન્ચ, SIT, ITની ટીમે 20 પોટલા સાહિત્ય કર્યું કબજે

Sabarkantha news: ડુપ્લિકેટ દૂધ બાદ હવે નકલી ઘી! રાયગઢમાં નકલી ઘીનું કારખાનું ઝડપાયું, 200 કિલો જથ્થો સીઝ

મહિલા સહિત 6 શખ્સોની ધરપકડ કરી

મદાવાદ અને સુરત ક્રાઈમ બ્રાન્ચે અમદાવાદમાંથી 2.10 કરોડ અને સુરતમાંથી 80 લાખની નકલી નોટો સાથે મહિલા સહિત 6 શખ્સોની ધરપકડ કરી છે. સુરતના ઉધના વિસ્તારમાંથી નોટો છાપવાનું મશીન પણ કબજે કરવામાં આવ્યું છે. ઉલ્લેખનીય છે કે સમગ્ર મામલે પોલીસ તપાસ કરી રહી છે કે અન્ય કોઈ આ ષડયંત્રમાં તો શામેલ નથી, અને આ નોટો કોને પહોંચાડવામાં આવવાની હતી. 

,બાતમીના આધારે અમદાવાદમાં સુરતથી આવતી સત્યમ યોગ ફાઉન્ડેશન લખેલી એક શંકાસ્પદ લક્ઝરી કારને અમરાઈવાડી વિસ્તારમાં અમદાવાદ ક્રાઈમ બ્રાન્ચ દ્વારા આંતરવામાં આવી હતી. જેમાંથી 2.90 કરોડની ડુપ્લીકેટ નોટોનો જથ્થો મળી આવ્યો હતો. આરોપીઓ પોલીસ તપાસથી બચવા માટે ભારત સરકાર અને આયુષ મંત્રાલયના નામનો દુરુપયોગ કરી સરકારી ગાડી હોવાનો ઢોંગ કરી રહ્યા હતા. આ કેસમાં સુરતની એક મહિલા સહિત કુલ 6 આરોપીઓની ધરપકડ કરવામાં આવી છે.