Ahmedabadના સરદારનગરમાં યુવતી પર એસિડ એટેક, હુમલાખોરને પકડી પાડવા પોલીસની તજવીજ
છેલ્લું અપડેટ : 27 Mar 2026
અમદાવાદના સરદારનગરમાં પરણિત યુવતી પર એસિડ અટેકની ઘટના સામે આવી છે. નીલકમલ સોસાયટી પાસે 27 વર્ષીય યુવતી તેના પિયરમાં રહેવા આવી હતી, ત્યારે યુવતી પર અજાણ્યા શખ્સો એસિડ નાંખી ફરાર થઈ ગયા હતા. ગંભીર ઈજાગ્રસ્ત યુવતીને સારવાર અર્થે સિવિલ હોસ્પિટલ ખસેડવામાં આવી છે. સરદારનગર પોલીસે યુવતીના નિવેદન નોંધવા સહિતની તજવીજ હાથ ધરી છે.
એક મહિના અગાઉ સુરતમાં પૂર્વ પ્રેમીએ મોડેલને એસિડ એટેકની આપી હતી ધમકી
સુરત શહેરના અલથાણ વિસ્તારમાં એક મોડેલને એસિડ એટેક કરવાની ધમકીઆપી હતી. આ કેસમાં પૂર્વ પ્રેમી દ્વારા સોશિયલ મીડિયા પર ધમકી આપવામાં આવી હોવાનું સામે આવ્યું હતું. આરોપીએ ઇન્સ્ટાગ્રામ પર ફોટા મૂકી એસિડ એટેક કરવાની ધમકી આપી હતી. ફાયરિંગ અને દુષ્કર્મના વિવાદ બાદ આ પૂર્વ પ્રેમીનું વધુ એક કારનામું સામે આવતાં મામલો ગંભીર બન્યો હતો. આ કેસમાં મિતેષ જૈન નામના વેપારીએ ધમકી આપી હોવાનું જાણવા મળ્યું છે. ફરિયાદ અનુસાર, અગાઉ પણ આરોપી દ્વારા પીડિતાની કાર સળગાવી દેવાનો બનાવ બન્યો હતો. ઘટનાને પગલે અલથાણ પોલીસે આરોપી સામે ગુનો દાખલ કરી વધુ તપાસ હાથ ધરી હતી.
