અમદાવાદમાં રમાયેલી વનડેમાં સર્જાયો ખાસ રેકોર્ડ, ખેલાડીઓ નહીં મેદાનમાં ઉપસ્થિત લોકોએ રચ્યો ઈતિહાસ
છેલ્લું અપડેટ : 13 Feb 2025
ભારત અને ઈંગ્લેન્ડ વચ્ચે ગઈકાલે અમદાવાદના નરેન્દ્ર મોદી સ્ટેડિયમમાં ત્રીજી વન-ડે મેચ રમાઈ હતી. જ્યાં અંગદાન અભિયાન અંતર્ગત લોકોએ અંગદાન કરવાના શપથ લીધા હતા ત્યારે આ મહાઅભિયાનમાં અમદાવાદની કે.ડી હોસ્પિટલ દ્વારા સહયોગ આપવામાં આવ્યો હતો.
મેચમાં ઉપસ્થિત લોકોને અંગદાન માટે જાગ્રત કરાયા હતા
BCCI અને ICC દ્વારા શરૂ કરાયેલા અંગદાન જાગૃતિના અભિયાનને અમદાવાદની કે.ડી હોસ્પિટલ દ્વારા પૂર્ણ રીતે સહયોગ આપવામાં આવ્યો હતો અને આ અભિયાન અંતર્ગત ભારત-ઈંગ્લેન્ડની મેચમાં ઉપસ્થિત લોકોએ અંગદાન કરવાના શપથ લીધા હતા. આ અભિયાનને ખૂબ જ સારો પ્રતિસાદ મળ્યો છે અને એક જ દિવસમાં 30 હજારથી વધુ લોકોએ અંગદાન કરવાના શપથ લીધા હતા.
જ્યારે ઓર્ગન ટ્રાન્સપ્લાન્ટેશન અને હેલ્થકેરમાં અગ્રણી એવી કે.ડી હોસ્પિટલ દ્વારા પણ અંગદાનની જાગૃતિને લઈને પ્રયાસો કરવામા આવે છે ત્યારે BCCI અને ICCના આ મહા અભિયાન હોસ્પિટલે પુરો સપોર્ટ કર્યો હતો. જ્યારે એક જ દિવસે 30 હજારથી વધુ લોકોએ અંગદાનના શપથ લેતા આ ઐતિહાસિક રેકોર્ડ પણ સર્જાયો હતો.
