સુરત બાદ હવે મહેસાણામાં ટાંકી ધરાશાયી થવાનો ભય, ઉદ્ઘાટન પૂર્વે જ નવી પાણીની ટાંકીઓમાં પડી તિરાડો

સુરતમાં ટાંકી ધરાશાયી થવાની ઘટના બાદ હવે મહેસાણામાં પણ ભયનો માહોલ જોવા મળી રહ્યો છે. સુરતની વિવાદાસ્પદ સુપર કન્સ્ટ્રક્શન કંપની દ્વારા મહેસાણામાં નિર્મિત નવીન ઓવરહેડ ટાંકીઓ ઉદ્ઘાટન પૂર્વે જ જોખમી સાબિત થઈ રહી છે.ટેસ્ટિંગ દરમિયાન જ ઋતુરાજ નજીકની ટાંકીમાં મોટી તિરાડો જોવા મળી છે, જ્યારે કસ્બા ટેકરાની ટાંકીમાં તિરાડોની સાથે પાણીનું ભારે લીકેજ શરૂ થઈ ગયું છે. 4 અને 5 લાખ લિટરની ક્ષમતા ધરાવતી આ ટાંકીઓ રહેણાંક વિસ્તારમાં હોવાથી સ્થાનિકોમાં ફફડાટ છે.