બોટાદ: લીંબોડામાં યુવકને માર મારી 6 શખ્સો દોઢ લાખની લૂંટ ચલાવી ફરાર

બોટાદના લીંબોડા ગામમાં લૂંટની ઘટના બની છે. જ્યાં એક વ્યક્તિને માર મારી દોઢ લાખ રૂપિયાની લૂંટ ચલાવી લૂંટારૂઓ ફરાર થઈ ગયા છે.  પોલીસે આ સમગ્ર મામલે તપાસ હાથ ધરી છે. 

પ્રાપ્ત માહિતી પ્રમાણે બોટાદ જિલ્લાના લીંબોડા ગામનો વ્યક્તિ ગત 14 નવેમ્બરના રોજ રાત્રે રૂપિયા લઈને પોતાના ઘરે જઈ રહ્યો હતો. આ દરમિયાન છ જેટલા શખ્સ મોઢે કપડું બાંધીને આવ્યા હતા. સુરેશભાઈ ધરજીયાને માર મારી તેમની પાસે રહેલા દોઢ લાખ રૂપિયા લૂંટી રફુચક્કર થઈ ગયા હતા. 

પોલીસે તપાસ હાથ ધરી

આ દરમિયાન ગંભીર ઈજાઓ પહોંચતા ભોગ બનનારને સારવાર માટે બોટાદની સબીહા હોસ્પિટલ ખસેડવામાં આવ્યો હતો. બીજી તરફ પોલીસને આ બનાવની જાણ થતા સમગ્ર મામલે તપાસ હાથ ધરી છે. લૂંટારૂઓને ઝડપી પાડવા ચક્રોગતિમાન કર્યા છે.