ભયાનક કાર દુર્ઘટનામાંથી બચી નોરા ફતેહી, કહ્યું-"હું જીવતી છું"

અભિનેત્રી નોરા ફતેહી શનિવારે બપોરે (20 ડિસેમ્બર) કાર અકસ્માતનો શિકાર બની હતી. દારૂના નશામાં ધૂત એક વ્યક્તિએ અભિનેત્રીની કારને ટક્કર મારી દીધી હતી. નોરાએ હવે તેના અકસ્માત અંગે માહિતી શેર કરી છે. તેણે જણાવ્યું કે તે સંપૂર્ણપણે ઠીક છે, પરંતુ હજુ પણ આઘાતમાં છે. તેણે નશાની હાલતમાં ડ્રાઈવિંગ કરનારાઓને પણ આકરા શબ્દોમાં સંભળાવ્યું છે.

X પર જુઓ

અકસ્માત બાદ નોરાની હાલત કેવી છે?

નોરા ફતેહી શનિવારે બપોરે મુંબઈમાં ડીજે ડેવિડ ગુએટાના કોન્સર્ટમાં જઈ રહી હતી. ત્યારે જ દારૂ પીને ડ્રાઈવિંગ કરી રહેલા એક વ્યક્તિએ પોતાની કાર વડે નોરા ફતેહીની કારને ટક્કર મારી હતી. અકસ્માતના સમાચાર સામે આવતા જ નોરાના તમામ ચાહકો તેની ચિંતામાં હતા. હવે નોરાએ તેની ઈન્સ્ટાગ્રામ સ્ટોરી પર ઘણા વીડિયો શેર કરીને તે અકસ્માતની માહિતી આપી છે. અભિનેત્રીએ કહ્યું કે આ તેની લાઈફની સૌથી ડરામણી અને ભયાનક ક્ષણ હતી. અભિનેત્રીએ કહ્યું કે તે હજુ પણ આઘાતમાં છે.

નોરાએ કહ્યું- "હું આપ સૌને એ જણાવવા આવી છું કે હું બિલકુલ ઠીક છું. આજે(20 ડિસેમ્બર) બપોરે મારો એક ખૂબ જ ભયાનક કાર અકસ્માત થયો હતો. નશામાં ડ્રાઈવ કરી રહેલા એક વ્યક્તિએ મારી ગાડીને જોરથી ટક્કર મારી દીધી. ટક્કરની અસર એટલી તેજ હતી કે જેને કારણે હું કારમાં ખરાબ રીતે ઉછળી ગઈ. મારું માથું વિન્ડો સાથે અથડાયું."

નોરાને થયેલી ઈજા

 "ખેર, હું જીવતી છું. ઠીક છું. મને નાની-મોટી ઈજાઓ થઈ છે અને થોડો સોજો પણ છે. પરંતુ હું આભારી છું કે હું ઠીક છું, આનાથી પણ વધુ ભયાનક બની શક્યું હોત. તેથી હું કહેવા માંગુ છું કે નશામાં બિલકુલ ડ્રાઈવ ન કરો. હું જૂઠું નહીં બોલું, આ મારા માટે ખૂબ જ ડરામણી અને ભયાનક ક્ષણ હતી. હું હજુ પણ થોડા આઘાતમાં છું."

અકસ્માત બાદ પણ નોરાએ કેમ પર્ફોર્મ કર્યું?

જણાવી દઈએ કે અકસ્માત બાદ પણ નોરાએ ડેવિડ ગુએટા સાથે શોમાં પર્ફોર્મ કર્યું હતું. આ જોઈને ઘણા લોકો આશ્ચર્યચકિત પણ થયા હતા. આ બાબતે નોરાએ કહ્યું કે તે પોતાના કામ અને તકની વચ્ચે કોઈને પણ આવવા દેશે નહીં. નશામાં ડ્રાઈવ કરનાર કોઈપણ વ્યક્તિ તેની પાસેથી તેનું કામ અને તક છીનવી શકે નહીં. અભિનેત્રીએ કહ્યું કે તેણે અહીં સુધી પહોંચવા માટે ખૂબ મહેનત કરી છે.

અંતમાં નોરાએ લોકોને અપીલ કરી કે તેઓ નશામાં ડ્રાઈવ ન કરે અને લોકોની સુરક્ષાનું ધ્યાન રાખે. નોરાએ તે તમામ લોકોનો પણ આભાર માન્યો જેઓ તેની ચિંતા કરી રહ્યા હતા.