India's Got Latent Case: સમય રૈના સહિત 5 પેનલિસ્ટ નિવેદનો નોંધવા મહારાષ્ટ્ર સાયબર સેલ પહોંચ્યા

ઈન્ડિયાઝ ગોટ લેટેન્ટ કેસ: મહારાષ્ટ્ર સાયબર સેલે જાણકારી આપી છે કે, શોના પાંચેય પેનલિસ્ટ આજે મહારાષ્ટ્ર સાયબર સમક્ષ હાજર થયા. સમય રૈના, રણવીર અલ્હાબાદીયા, અપૂર્વ મુખિજા, જસપ્રીત સિંહ અને આશિષ ચંચલાની તેમના નિવેદનો નોંધવા મહારાષ્ટ્ર સાયબર પહોંચ્યા હતા. અપૂર્વ મુખિજાએ પોતાનું નિવેદન નોંધ્યું છે. બાકીના લોકો પોતાના નિવેદનો નોંધી રહ્યા છે.

તમને જણાવી દઈએ કે મહારાષ્ટ્ર સાયબર ઇન્ડિયાઝ ગોટ લેટેન્ટના તમામ 18 શોમાં અપશબ્દોના ઉપયોગના કેસની તપાસ કરી રહ્યું છે. આ કેસમાં, સાયબર સેલે અત્યાર સુધીમાં 12 લોકોના નિવેદનો નોંધ્યા છે, જેમાં રઘુ રામ, સમય રૈના અને રણવીર અલ્હાબાદીયા, અપૂર્વ માખીજાનું એક વાર નિવેદન નોંધાયું છે. આશિષ ચંચલાની, પૂનમ પાંડે, કૌસ્તુભ અગ્રવાલ, શાશ્વત મહેશ્વરી અને દેવેશ દીક્ષિતના પણ એક-એક વખત નિવેદન નોંધવામાં આવ્યા છે. સાયબર સેલે રાખી સાવંતને ઘણી વખત પૂછપરછ માટે બોલાવી છે પરંતુ તે હજુ સુધી પોતાનું નિવેદન નોંધાવવા પહોંચી નથી.

એક અધિકારીએ જણાવ્યું હતું કે મહારાષ્ટ્ર સાયબરે અલ્હાબાદિયા અને રૈના વિરુદ્ધ ત્રણ સમન્સ જારી કર્યા હતા અને તેમને મુંબઈમાં તપાસ અધિકારી સમક્ષ હાજર થવા કહ્યું હતું. તેમણે જણાવ્યું કે બંને દક્ષિણ મુંબઈના કફ પરેડ વિસ્તારમાં સ્થિત મહારાષ્ટ્ર સાયબર ઓફિસ પહોંચ્યા. ગયા અઠવાડિયે અલ્હાબાદિયા મહારાષ્ટ્ર સાયબર પોલીસ સમક્ષ પોતાનું નિવેદન નોંધવા માટે હાજર થયા ન હતા. મહારાષ્ટ્ર સાયબર ઓફિસ એ મહારાષ્ટ્ર ગૃહ વિભાગ હેઠળનો સાયબર અને માહિતી સુરક્ષા વિભાગ છે.