આ બોલિવૂડ અભિનેત્રીએ બિઝનેસ જગતમાં વગાડ્યો ડંકો, બે વર્ષમાં બનાવ્યું કરોડોનું સામ્રાજ્ય  

આ બોલિવૂડ અભિનેત્રી માટે આ વર્ષનો જુલાઈ મહિનો ખૂબ જ ખાસ રહ્યો. એક તરફ જ્યાં તેણે પોતાનો 35મો જન્મદિવસ ઉજવ્યો, તો બીજી તરફ તેના બિઝનેસે 400 કરોડનો નફો મેળવ્યો.

બોલિવૂડ અભિનેત્રી કૃતિ સેનન (Kriti Sanon) માટે આ વર્ષનો જુલાઈ મહિનો ખૂબ જ ખાસ રહ્યો. એક તરફ તેણે પોતાનો 35મો જન્મદિવસ ઉજવ્યો, તો બીજી તરફ તેના બ્યૂટી બ્રાન્ડ HYPHEN (Kriti Sanon Beauty Brand)એ બે વર્ષ પૂર્ણ કર્યા. આ ડબલ સેલિબ્રેશનને ખાસ બનાવતાં બ્રાન્ડે પોતાની શાનદાર કમાણીના આંકડા પણ શેર કર્યા છે. HYPHENના કો-ફાઉન્ડર અને સીઈઓ તરુણ શર્માએ જણાવ્યું કે બ્રાન્ડે બે વર્ષમાં ₹400 કરોડની ગ્રોસ રેવન્યુ હાંસલ કરી છે.

તેણે કહ્યું, "હાયફનનો બીજો જન્મદિવસ ખૂબ જ ખાસ રહ્યો. અમે ₹400 કરોડનો ARR પાર કર્યો અને અમારા 60% ગ્રાહકો પાછા ફરે છે. એક વર્ષમાં 1 મિલિયનથી 4 મિલિયન ગ્રાહકો સુધી પહોંચવું એ કોઈ સપનાથી ઓછું નહોતું." બ્રાન્ડની સફળતાનો શ્રેય તેમણે ગ્રાહકોની જરૂરિયાતોને સમજવા, યોગ્ય પ્રોડક્ટ સ્ટ્રેટેજી અને મજબૂત ડિસ્ટ્રિબ્યુશન નેટવર્કને આપ્યો.

હાયફનની શરૂઆત કૃતિ સેનને પોતાના 33મા જન્મદિવસ (જુલાઈ 2023)ના દિવસે કરી હતી. આ પ્રસંગે કૃતિએ કહ્યું, "HYPHENનું શૂન્યમાંથી સર્જન કરવું એ મારા માટે ખૂબ જ વ્યક્તિગત અને સંતોષકારક પ્રવાસ રહ્યો છે. જ્યારે એક આઈડિયા બ્રાન્ડમાં બદલાય છે અને લોકો તેના પર ભરોસો કરવા લાગે છે, તો તે અનુભવ ખૂબ જ ખાસ હોય છે."

HYPHENની સફળતા સાથે કૃતિની ફિલ્મી કરિયર પણ સારી ચાલી રહી છે. તેની છેલ્લી ફિલ્મ 'દો પત્તી' (કાજોલ સાથે) નેટફ્લિક્સ પર પસંદ કરવામાં આવી હતી. હવે તે ટૂંક સમયમાં 'તેરે ઇશ્ક મેં' ફિલ્મમાં ધનુષ સાથે જોવા મળશે. તમને જણાવી દઈએ કે કૃતિએ પોતાનો 35મો જન્મદિવસ સેન્ટ ટ્રોપેઝમાં પોતાની બહેન નૂપુર સેનન સાથે ઉજવ્યો હતો.