BiggBoss Kannadaનું ઘર સીલ, કંટેસ્ટન્ટને બહાર કાઢવામાં આવશે; જાણો કેમ લેવામાં આવ્યો નિર્ણય
ગંભીર પર્યાવરણના નિયમોના ઉલ્લંઘનનો હવાલો આપતા કર્ણાટક રાજ્ય પ્રદૂષણ નિયંત્રણ બોર્ડ (KSPCB)એ બિગબોસ કન્નડની યજમાની કરતા સ્ટુડિ
ગંભીર પર્યાવરણના નિયમોના ઉલ્લંઘનનો હવાલો આપતા કર્ણાટક રાજ્ય પ્રદૂષણ નિયંત્રણ બોર્ડ (KSPCB)એ બિગબોસ કન્નડની યજમાની કરતા સ્ટુડિયોને બંધ કરવાનો આદેશ આપ્યો છે. રાજ્ય પ્રદૂષણ નિયંત્રણ બોર્ડે પોલીસને સ્ટુડિયો બંધ કરવા અને બેંગ્લોર ઇલેક્ટ્રિસિટી સપ્લાય કંપની લિમિટેડ (BESCOM)ને વીજળી કાપવાનો આદેશ પણ આપ્યો છે.
આ આદેશ બિગબોસ કન્નડ સિઝન 12 તાજેતરમાં લૉન્ચ થયા બાદ આવ્યો છે. આદેશ બાદ હોસ્ટ કિચ્ચા સુદીપના શોમાંથીકંટેસ્ટન્ટને બહાર કાઢવામાં આવશે. ઘરના દરવાજા સીલ કરતો વીડિયો પણ સામે આવ્યો છે.
બિગબોસના ઘરને સીલ કરવાનો આદેશ
બોર્ડે 6 ઓક્ટોબરે જાહેર કરેલી નોટિસમાં વેલ્સ સ્ટુડિયો એન્ડ એન્ટરટેઇનમેન્ટ પ્રાઇવેટ લિમિટેડને આદેશ આપ્યો કે સાઇટ પર તમામ ગતિવિધિને રોકવામાં આવે. બોર્ડે કહ્યું, 'આ કેમ્પસનો ઉપયોગ મનોરંજન અને સ્ટુડિયો કામગીરી માટે મોટા પાયે કરવામાં આવી રહ્યો છે. જ્યારે પાણી (નિવારણ અને પ્રદૂષણનું નિયંત્રણ) અધિનિયમ, 1974 અને હવા (પ્રદૂષણ અને નિયંત્રણની નિવારણ) અધિનિયમ, 1981 હેઠળ, જરૂરી સ્થાપનો માટે સંમતિ લેવામાં આવી નથી.'
નોટિસમાં વધુમાં જણાવાયું છે કે, "જોયેલા ઉલ્લંઘનને ધ્યાનમાં રાખીને, તમને તાત્કાલિક અસરથી કામગીરી બંધ કરવા અને નિર્ધારિત સમયગાળાની અંદર આ ઓફિસને સ્પષ્ટીકરણ આપવાનો આદેશ આપવામાં આવે છે.
નોટિસમાં ચેતવણી આપવામાં આવી છે કે 'જો આ હુકમનું પાલન ન કરવામાં આવે તો, સંબંધિત પર્યાવરણીય કાયદા હેઠળ શિક્ષાત્મક કાર્યવાહી કરવામાં આવશે'. બિગ બોસ કન્નડનું આયોજન દક્ષિણ અભિનેતા કિચા સુદીપ દ્વારા કરવામાં આવ્યું છે
