UPSC 2023માં ટોપ કરનાર આદિત્ય શ્રીવાસ્તવ કોણ છે, જાણો કઈ રીતે બન્યા IPSમાંથી IAS

યુનિયન પીપલ સર્વિસ કમિશને UPSC સિવિલ સર્વિસ પરીક્ષા 2023નું ફાઇનલ રિઝલ્ટ જાહેર કર્યું છે. લખનૌના આદિત્ય શ્રીવાસ્તવે ઓલ ઈન્ડિયા ફર્સ્ટ રેન્ક મેળવીને દેશમાં ટોપ કર્યું છે. ઇન્ટરવ્યૂમાં મેળવેલા માર્ક્સના આધારે ફાઇનલ રિઝલ્ટ જાહેર કરવામાં આવ્યું છે. મુખ્ય પરીક્ષા પાસ કરનાર ઉમેદવારોને જ ઇન્ટરવ્યૂ માટે બોલાવવામાં આવ્યા હતા. ચાલો જાણીએ કે આદિત્યએ પોતાનો અભ્યાસ ક્યાંથી પૂરો કર્યો અને કેટલા પ્રયત્નોમાં તેણે UPSC પાસ કર્યું.

આદિત્યએ પોતાનો પ્રારંભિક અભ્યાસ સીએમએસ અલીગંજ, લખનૌથી પૂર્ણ કર્યો. આ પછી તેમણે IIT કાનપુરમાંથી B.Tech અને M.Tech કર્યું. તેમણે બેંગલુરુમાં અમેરિકન MNC કંપનીમાં 15 મહિના સુધી કામ કર્યું. તે પછી તેમણે 2020માં નોકરી છોડી દીધી અને UPSC સિવિલ સર્વિસ પરીક્ષાની તૈયારી શરૂ કરી. તેમણે UPSC 2022માં 236મો રેન્ક મેળવ્યો અને IPS માટે પસંદ થયા.

IPSમાંથી IAS બન્યા

આદિત્ય શ્રીવાસ્તવ હાલ પશ્ચિમ બંગાળમાં અંડર ટ્રેનિંગ IPS તરીકે કાર્યરત છે. તેમના પિતા અજય શ્રીવાસ્તવ સેન્ટ્રલ ઓડિટ વિભાગમાં AAO તરીકે કામ કરે છે. જ્યારે તેમની નાની બહેન નવી દિલ્હીથી સિવિલ સર્વિસની પરીક્ષાની તૈયારી કરી રહી છે. આદિત્યની માતા આભા શ્રીવાસ્તવ ગૃહિણી છે.

કેવી રીતે તૈયારી કરી?

મીડિયા રિપોર્ટ્સ અનુસાર, તેમણે આ સફળતા કોચિંગ વિના હાંસલ કરી છે. તેમણે ટેસ્ટ સીરિઝ અને મોક ઈન્ટરવ્યૂ દ્વારા તૈયારી કરી. તેમણે વૈકલ્પિક વિષય તરીકે ઇલેક્ટ્રિકલ એન્જિનિયરિંગ પસંદ કર્યું. ત્યારબાદ તેમણે બી.ટેક પણ કર્યું હતું. તેઓએ જૂના પેપરનો અભ્યાસ કર્યો અને તે મુજબ પ્રીલિમ્સ અને મેન્સ બંને પરીક્ષાઓની તૈયારી કરી. તૈયારી માટે તેમણે અભ્યાસક્રમના દરેક વિષય માટે નોટ્સ બનાવ્યા. તેમણે બીજા જ પ્રયાસમાં UPSC પાસ કરી છે.