ઈન્ટરનેશનલ ફ્લાઇટ્સની એર હોસ્ટેસનો પગાર કેટલો હોય છે, શું તેઓએ દર વખતે લેવા પડે છે વિઝા?

ઘણી છોકરીઓ એર હોસ્ટેસ બનવા માંગે છે. આવી સ્થિતિમાં ઘણી વાર છોકરીઓના મનમાં એક જ સવાલ હોય છે કે એર હોસ્ટેસ કેવી રીતે બનવું, તેના માટે શું લાયકાત જરૂરી છે અને એર હોસ્ટેસનો પગાર કેટલો હોય છે. તો ચાલો આજે તમારા બધા પ્રશ્નોના જવાબ આપીએ અને એ પણ જાણીએ કે ઈન્ટરનેશનલ ફ્લાઇટમાં એર હોસ્ટેસનો પગાર કેટલો હોય છે અને શું ઈન્ટરનેશનલ ફ્લાઇટમાં મુસાફરી કરવા માટે તેમને પણ દર વખતે વિઝા લેવાની જરૂર પડે છે.

એર હોસ્ટેસ બનવા માટે લાયકાત

સૌથી પહેલા તો ચાલો જાણીએ કે એર હોસ્ટેસ બનવા માટે શેનો અભ્યાસ કરવો પડે છે. તમને જણાવી દઈએ કે તમે કોઈપણ સ્ટ્રીમમાં 12મું પાસ કર્યા પછી એર હોસ્ટેસ બનવા માટે કોર્સ કરી શકો છો. જો કે, આ માટે 12મા ધોરણમાં ઓછામાં ઓછા 50% માર્ક્સ હોવા જરૂરી છે. એર હોસ્ટેસ બનવા માટે વ્યક્તિત્વ વધુ મહત્ત્વનું છે.

જો કોઈ છોકરી એર હોસ્ટેસ બનવા માંગતી હોય તો તેની હાઈટ ઓછામાં ઓછી 5 ફૂટ 5 ઈંચ હોવી જોઈએ. આ ઉપરાંત વજન પણ યોગ્ય હોવું જોઈએ. જો તમારી ઊંચાઈ 5 ફૂટ 5 ઈંચ છે તો તમારું વજન 55થી 60 કિલોની વચ્ચે હોવું જોઈએ.

ઈન્ટરનેશનલ ફ્લાઈટમાં પગાર કેટલો મળે છે?

સામાન્ય ફ્લાઈટ્સની સરખામણીએ ઈન્ટરનેશનલ ફ્લાઈટ્સમાં એર હોસ્ટેસને વધારે પગાર મળે છે. આ માટે સૌ પ્રથમ તો 12મું ધોરણ પૂરું કર્યા પછી કોઈ સંસ્થામાંથી કોર્સ કરવો પડે છે. આ કોર્સ 2 વર્ષનો હોય છે. તેની ફી વાર્ષિક એકથી દોઢ લાખ રૂપિયા સુધીની છે. આ સિવાય ડોમેસ્ટિક ફ્લાઈટ્સમાં એર હોસ્ટેસનો પગાર 50 હજાર રૂપિયા હોઈ શકે છે, જ્યારે ઈન્ટરનેશનલ ફ્લાઈટ્સમાં તેમનો પગાર 2થી 3 લાખ રૂપિયા હોઈ શકે છે.

શું એર હોસ્ટેસે ઈન્ટરનેશનલ ફ્લાઇટ્સ માટે વિઝા લેવાની જરૂર છે?

જો તમે વિચારી રહ્યા છો કે એર હોસ્ટેસને કોઈ વિઝાની જરૂર નથી, તો અમે તમને જણાવી દઈએ કે એવું નથી, કેટલાક દેશોમાં પાયલોટ અને એર હોસ્ટેસ વિઝા વિના મુસાફરી કરી શકે છે, જ્યારે કેટલાક દેશો માટે તેમને ખાસ વિઝાની જરૂર પડે છે. જોકે, તેમના પાસપોર્ટ પર કોઈ અલગ સ્ટેમ્પ લગાવવામાં નથી આવતા.