JOB / ગૂગલમાં નોકરી અપાવી શકે છે આ 5 કોર્સ, તમને મળશે લાખોનું પેકેજ

દર વર્ષે લાખો યુવાનો એન્જિનિયરિંગ અથવા મેનેજમેન્ટનો કોર્સ પૂર્ણ કર્યા પછી ગૂગલમાં નોકરી મેળવવા માંગે છે. પરંતુ જો તમારે B.Tech કે MBA ન કરવું હોય તો નિરાશ થવાની જરૂર નથી. ગૂગલે બદલાતી જરૂરિયાતો અને નવા જોબ માર્કેટ અનુસાર પોતાને અપડેટ કર્યું છે. જો તમારે ગૂગલમાં કામ કરવું હોય તો કોઈ ચોક્કસ ક્ષેત્રનો અભ્યાસ કરવો કે IIT, IIM જેવી સંસ્થાઓમાંથી ડિગ્રી લેવાની જરૂર નથી.

જો તમે ગૂગલમાં નોકરી કરવા માંગો છો, તો તમારે ડિગ્રી કરતાં વધુ સ્કિલ્સ પર ધ્યાન કેન્દ્રિત કરવાની જરૂર છે. છેલ્લા કેટલાક વર્ષોમાં જોબ ટ્રેન્ડમાં ઘણો બદલાવ આવ્યો છે. આવી સ્થિતિમાં હવે માત્ર સંસ્થાના ઊંચા નામ કે મોટી ડિગ્રીના આધારે નોકરી મેળવવી મુશ્કેલ બની ગઈ છે. એકવાર ગૂગલમાં તમારી નોકરી કન્ફર્મ થઈ જાય, પછી તમને વિદેશ જવાની તક પણ મળી શકે છે. ગૂગલની 40થી વધુ દેશોમાં ઓફિસ છે.

આ પણ વાંચો: JOB / નેશનલ ઈન્સ્યોરન્સ કંપનીમાં 500 જગ્યાઓ માટે નીકળી ભરતી, અહીં જાણો સંપૂર્ણ વિગતો

ગૂગલ, માઈક્રોસોફ્ટ, એમેઝોન અને ફ્લિપકાર્ટ જેવી કંપનીઓમાં કામ કરવા માટે, સ્કિલ્સ આધારિત કોર્સનું સર્ટીફીકેટ લેવું જરૂરી છે. જો તમે ઈચ્છો તો, તમે ડિજિટલ માર્કેટિંગ, ડેટા એનાલિટિક્સ, બિઝનેસ એનાલિટિક્સ જેવા ક્ષેત્રોને લગતા કોર્સનો અભ્યાસ કરી શકો છો. 

ડિજિટલ માર્કેટિંગ

ડિજિટલ માર્કેટિંગ કોર્સમાં સર્ચ એન્જિન ઓપ્ટિમાઈઝેશન, પેઈડ એડવર્ટાઈઝિંગ અને સોશિયલ મીડિયા માર્કેટિંગ જેવી સ્કિલ્સ શીખવવામાં આવે છે. આ ગૂગલના વિવિધ પ્રોડક્ટ્સ અને સર્વિસના પ્રમોશનને સરળ બનાવે છે.

ડેટા એનાલિટિક્સ

ડેટા એનાલિટિક્સ કોર્સ ડેટા કલેક્શન, એનાલિસિસ અને વિઝ્યુલાઈઝેશનની મૂળભૂત બાબતો પર ધ્યાન કેન્દ્રિત કરે છે. ગૂગલ જેવી કંપનીઓમાં ડેટા સાયન્ટિસ્ટની ઘણી માંગ હોય છે. તેથી આ ક્ષેત્રમાં નિપુણતા મેળવવી કારકિર્દીના દૃષ્ટિકોણથી ફાયદાકારક છે.

પ્રોજેક્ટ મેનેજમેન્ટ

પ્રોજેક્ટ મેનેજમેન્ટ કોર્સ પ્રોજેક્ટ પ્લાનિંગ, ઈમ્પ્લીમેન્ટેશન અને મોનીટરીંગની ટેકનીકકો પર ધ્યાન કેન્દ્રિત કરીને ડિઝાઇન કરવામાં આવ્યો છે. ગૂગલના વિવિધ પ્રોજેક્ટ્સ પૂર્ણ કરવા માટે પ્રોજેક્ટ મેનેજમેન્ટ સ્કિલ ખૂબ જ જરૂરી છે. અન્ય કંપનીઓમાં નોકરી માટે પણ આ કોર્સ ફાયદાકારક છે.

યુએક્સ ડિઝાઇનિંગ

યુએક્સ ડિઝાઇનિંગ કોર્સને યુઝર રિસર્ચ, વાયરફ્રેમિંગ અને પ્રોટોટાઈપિંગ જેવી સ્કિલ્સ શીખવા માટે ખૂબ જ ઉપયોગી માનવામાં આવે છે. યુએક્સ ડિઝાઇનર્સ ગૂગલના પ્રોડક્ટ્સની ઉપયોગિતા અને અનુભવને સુધારવામાં મદદ કરે છે.

આઈટી સપોર્ટ

આઈટી સપોર્ટ કોર્સમાં, તમે કોમ્પ્યુટર હાર્ડવેર, સોફ્ટવેર અને નેટવર્કિંગને લગતી બેઝીક અને એડવાન્સ ટેકનીક શીખી શકો છો. આઈટી સપોર્ટ સિસ્ટમ ગૂગલના પ્રોફેશનલ ટેક્નિકલ ઈન્ફ્રાસ્ટ્રક્ચરને સપોર્ટ કરે છે.