JOB / નેશનલ ઈન્સ્યોરન્સ કંપનીમાં 500 જગ્યાઓ માટે નીકળી ભરતી, અહીં જાણો સંપૂર્ણ વિગતો

નેશનલ ઈન્સ્યોરન્સ કંપની લિમિટેડ એટલે કે NICLમાં 500 જગ્યાઓ માટે ભરતી નીકળી છે, જેના માટે લાયક ઉમેદવારો પાસેથી અરજીઓ મંગાવવામાં આવી છે. આ ભરતી આસિસ્ટન્ટની જગ્યાઓ પર થશે. રસ ધરાવતા ઉમેદવારો NICL Nationalinsurance.nic.co.in ની અધિકૃત વેબસાઇટની મુલાકાત લઈને ઓનલાઈન અરજી કરી શકે છે. આ ભરતી ઝુંબેશ હેઠળ, કંપનીમાં કુલ 500 સહાયક પદો પર ભરતી કરવામાં આવશે, જેના માટે નોંધણી પ્રક્રિયા 24 ઓક્ટોબરથી શરૂ થશે અને અરજી કરવાની છેલ્લી તારીખ 11 નવેમ્બર, 2024 છે.

આ મહત્ત્વપૂર્ણ તારીખો નોંધી લો

• અરજીની શરૂઆતની તારીખ - 24 ઓક્ટોબર 2024
• અરજી કરવાની છેલ્લી તારીખ - 11 નવેમ્બર 2024
• પ્રથમ તબક્કાની પરીક્ષા - 30 નવેમ્બર 2024
• બીજા તબક્કાનીપરીક્ષા - 28 ડિસેમ્બર 2024

શૈક્ષણિક લાયકાત અને વય મર્યાદા 

ઉમેદવારે માન્ય યુનિવર્સિટીમાંથી કોઈપણ સ્ટ્રીમમાં ગ્રેજ્યુએશન અથવા કેન્દ્ર સરકાર દ્વારા માન્ય કોઈપણ સમકક્ષ લાયકાત હોવી આવશ્યક છે. ઉમેદવાર પાસે ઑક્ટોબર 1, 2024 સુધીમાં લાયકાતની પરીક્ષા પાસ કરવાનું પ્રમાણપત્ર પણ હોવું આવશ્યક છે.

ઉમેદવારોની ઉંમર 21થી 30 વર્ષની વચ્ચે હોવી જોઈએ. ઉમેદવારો કે જેઓ 2 ઓક્ટોબર 1994 પહેલા અને 1 ઓક્ટોબર 2003 (બંને દિવસો શામેલ છે) પછી જન્મ્યા ન હોય તે આ પોસ્ટ્સ માટે અરજી કરી શકે છે.

અરજી ફી 

SC/ST/PWD/Ex-Servicemen કેટેગરીના ઉમેદવારોએ 100 રૂપિયા ચૂકવવાના રહેશે, જ્યારે અન્ય તમામ ઉમેદવારોએ 850 રૂપિયા ચૂકવવા પડશે.

પસંદગી પ્રક્રિયા 

અરજી કરનાર તમામ ઉમેદવારોએ ઓનલાઈન પ્રિલિમ્સ અને મેઈન્સ પરીક્ષામાં હાજર રહેવું પડશે. તે પછી, મેઈન્સ પરીક્ષા પાસ કરનાર ઉમેદવારોને પ્રાદેશિક ભાષાની પરીક્ષા માટે પસંદ કરવામાં આવશે, જેમાં પાસ થવું જરૂરી છે. પ્રિલિમ્સ પરીક્ષામાં 100 માર્ક્સની હશે. પરીક્ષાનો સમયગાળો 60 મિનિટનો રહેશે. રાજ્ય અને કેટેગરી મુજબની મેઈન્સ પરીક્ષામાં ઉમેદવારો દ્વારા મેળવેલા માર્ક્સના આધારે ઉતરતા ક્રમમાં અંતિમ મેરિટ યાદી તૈયાર કરવામાં આવશે.