ISROમાં એપ્રેન્ટિસશિપ માટે રજીસ્ટ્રેશન પ્રક્રિયા શરૂ, જાણો લાયકાત સહિતની વિગતો

ભારતીય અવકાશ સંશોધન સંગઠન (ISRO) માં એપ્રેન્ટિસશિપ માટે ઓનલાઈન અરજીઓ શરૂ થઈ ગઈ છે. ISROમાં એપ્રેન્ટિસ તરીકે ટ્રેનિંગ લેવા માંગતા ઉમેદવારો સત્તાવાર વેબસાઈટની મુલાકાત લઈને ISRO SDSC SHAR એપ્રેન્ટિસ 2026 માટે અરજી કરી શકે છે. એપ્રેન્ટિસશિપ માટે અરજી કરવાની અંતિમ તારીખ 26 નવેમ્બર, 2026 છે. 

કેટલા ઉમેદવારોની પસંદગી કરવામાં આવશે?

ISRO દ્વારા જાહેર કરાયેલ માહિતી અનુસાર, કુલ 400 એપ્રેન્ટિસ પદો ભરવામાં આવશે. 50 પદો એન્જિનિયરિંગ ગ્રેજ્યુએટ એપ્રેન્ટિસશિપ માટે, 60 નોન-એન્જિનિયરિંગ ગ્રેજ્યુએટ એપ્રેન્ટિસશિપ માટે, 35 ટેકનિશિયન એપ્રેન્ટિસશિપ (ડિપ્લોમા) માટે, 60 ડિપ્લોમા માટે, 180 ટ્રેડ એપ્રેન્ટિસશિપ માટે અને 15 વોકેશનલ એપ્રેન્ટિસશિપ માટે અનામત રાખવામાં આવ્યા છે.

અરજી કરવા માટે જરૂરી પાત્રતા

ISRO SDSC SHARમાં વિવિધ એપ્રેન્ટિસશિપ પદો માટે પાત્રતા માપદંડ અલગ અલગ હોય છે.

એન્જિનિયરિંગ ગ્રેજ્યુએટ એપ્રેન્ટિસશિપ: ઓછામાં ઓછા 60% માર્ક્સ સાથે BE અથવા BTech.

નોન-એન્જિનિયરિંગ ગ્રેજ્યુએટ એપ્રેન્ટિસશિપ: BSc/BCom/BA.

ટેકનિશિયન એપ્રેન્ટિસશિપ (ડિપ્લોમા): ઓછામાં ઓછા 60% માર્ક્સ સાથે સંબંધિત વિષયમાં ડિપ્લોમા.

ટ્રેડ એપ્રેન્ટિસશિપ: IIT ગ્રેજ્યુએટ.

વોકેશનલ એપ્રેન્ટિસશિપ: વોકેશનલ પ્રોગ્રામમાં બે વર્ષનું પ્રમાણપત્ર.

અરજી કેવી રીતે કરવી?

• સૌથી પહેલા nats.education.gov.in અથવા www.apprenticeship.gov.in ની મુલાકાત લો.
• વેબસાઈટના હોમપેજ પર ઓનલાઈન રજીસ્ટ્રેશન વિભાગ પર ક્લિક કરો અને બધી જરૂરી વિગતો દાખલ કરો.
• ફોર્મ ભર્યા પછી, જરૂરી ડોક્યુમેન્ટ અપલોડ કરો.
• છેલ્લે, ભવિષ્યના સંદર્ભ માટે પ્રિન્ટઆઉટ લો.