રેલ્વેમાં નોકરી મેળવવા માંગતા ઉમેદવારો માટે સુવર્ણ તક, 7 હજારથી વધુ જગ્યા પર થશે ભરતી

રેલ્વેમાં સરકારી નોકરીની તૈયારી કરી રહેલા ઉમેદવારો માટે આ એક સુવર્ણ તક છે. રેલ્વે ભરતી બોર્ડ (RRB) એ જુનિયર એન્જિનિયર સહિત 7951 જગ્યાઓ પર ભરતી માટે નોટિફિકેશન બહાર પાડ્યું છે. અરજીની પ્રક્રિયા 30મી જુલાઈ 2024ના રોજથી શરૂ કરવામાં આવશે. રસ ધરાવતા અને લાયક ઉમેદવારો સત્તાવાર વેબસાઈટ rrbapply.gov.in પર જઈને અરજી કરી શકે છે. અરજી કરવાની છેલ્લી તારીખ 29 ઓગસ્ટ 2024 છે. ફોર્મમાં સુધારા કરવા માટે 30 ઓગસ્ટથી 8 સપ્ટેમ્બર 2024 સુધી તક આપવામાં આવશે.

શૈક્ષણિક લાયકાત

આ પોસ્ટ માટે અરજી કરવા માટે, ઉમેદવાર પાસે કોઈપણ માન્ય યુનિવર્સિટીમાંથી સંબંધિત ક્ષેત્રમાં B.Tech ડિગ્રી અથવા ડિપ્લોમા ઈન એન્જિનિયરિંગ ડિગ્રી હોવી આવશ્યક છે.

વય મર્યાદા

અરજી કરવા માટે ઉમેદવારની ઉંમર ઓછામાં ઓછી 18 વર્ષ અને વધુમાં વધુ 36 વર્ષની વચ્ચે હોવી જોઈએ. જ્યારે અનામત ધરાવતા ઉમેદવારોને વય મર્યાદામાં વિશેષ છૂટછાટ આપવામાં આવશે.

અરજી ફી

• જનરલ - રૂ. 500
• OBC - રૂ. 500
• EWS - રૂ. 500
• SC - રૂ. 250
• ST - રૂ. 250
• દિવ્યાંગ - રૂ. 250
• મહિલા - રૂ. 250

અરજી પ્રક્રિયા

• અરજી કરવા માટે, સત્તાવાર વેબસાઈટ rrbapply.gov.in પર જાઓ.
• હોમ પેજ પર હાજર 'Railway Vacancy 2024' લિંક પર ક્લિક કરો.
• અહીં જરૂરી તમામ માહિતી ભરો.
• ડોક્યુમેન્ટ સ્કેન કરીને અપલોડ કરો.
• નિયત અરજી ફી ઓનલાઈન ચૂકવો.
• અરજી કર્યા બાદ તમારું ફોર્મ ડાઉનલોડ કરી લો.