CUET PG 2025 માટે શરૂ થઈ ગયું રજીસ્ટ્રેશન, જાણો પરીક્ષાની તારીખ અને પેટર્ન

કોમન યુનિવર્સિટી એન્ટ્રન્સ ટેસ્ટ ફોર પોસ્ટ ગ્રેજ્યુએટ (CUET PG) 2025 માટેની રજીસ્ટ્રેશન વિન્ડો ખુલી ગઈ છે. આવી સ્થિતિમાં, જે ઉમેદવારો આ પરીક્ષા આપવા જઈ રહ્યા છે તેઓ સત્તાવાર વેબસાઈટ cuetpg.ntaonline.in પર જઈને અરજી કરી શકે છે. યાદ રહે કે 1લી ફેબ્રુઆરીના રોજ રાત્રે 11.50 વાગ્યા સુધી જ અરજી કરી શકાશે. CUET PG માટે નોટિફિકેશન 2જી જાન્યુઆરીએ બહાર પાડવામાં આવ્યું હતું.

આ પણ વાંચો: ભારતીય રેલવેમાં 4000થી વધુ ભરતીની જાહેરાત, 10 પાસને પણ મળશે નોકરી; આ કારીગરોની ખાસ જરુર

પરીક્ષા ક્યારે યોજાશે?

નોટિફિકેશનમાં કહેવામાં આવ્યું હતું કે રજીસ્ટ્રેશન પૂર્ણ થયા બાદ કરેક્શન વિન્ડો 3-5 ફેબ્રુઆરી 2025 સુધી ખુલશે. વધુમાં જણાવાયું હતું કે CUET PG 2025ની પરીક્ષા 13 માર્ચ, 2025થી 31 માર્ચ, 2025 દરમિયાન લેવામાં આવશે. આ પરીક્ષાઓ દેશભરના 312 પરીક્ષા કેન્દ્રો પર લેવામાં આવશે. આ ઉપરાંત વિદેશના 27 શહેરોમાં પણ પરીક્ષા કેન્દ્રો બનાવવામાં આવશે.

એડમિટ કાર્ડ ક્યારે બહાર પાડવામાં આવશે?

એડમિટ કાર્ડ બહાર પાડતા પહેલા પરીક્ષાની સિટી સ્લિપ જારી કરવામાં આવશે, જે માર્ચના પ્રથમ અઠવાડિયામાં જાહેર થવાની ધારણા છે. આ પછી એડમિટ કાર્ડ જારી કરવામાં આવશે, જે પરીક્ષાના 4 દિવસ પહેલા આપવામાં આવશે. પરીક્ષા પછી આન્સર કી જાહેર કરવામાં આવશે.

પરીક્ષા પેટર્ન

CUET PG 2025ની પરીક્ષામાં કમ્પ્યુટર આધારિત ટેસ્ટ (CBT) લેવામાં આવશે. આ પરીક્ષામાં 100 MCQ હશે. તેના જવાબ આપવા માટે કુલ 1:30 કલાકનો સમય આપવામાં આવશે. CUET PG 2025 માર્કિંગ સ્કીમ માટે, એવું કહેવામાં આવ્યું હતું કે દરેક સાચા જવાબ માટે 4 માર્ક્સ આપવામાં આવશે, જ્યારે દરેક ખોટા જવાબ માટે 1 માર્ક કાપવામાં આવશે.

આ રીતે અરજી કરો

• સૌ પ્રથમ સત્તાવાર વેબસાઈટ exams.nta.ac.in/CUET-PG/ પર જાઓ.
• પછી હોમપેજ પર "Registration for CUET-PG 2025 is live now" પર ક્લિક કરો.
• હવે અહીં "New Registration" પર જાઓ અને રજીસ્ટ્રેશન કરો.
• આ પછી, અરજી ફોર્મ યોગ્ય રીતે ભરો અને પછી જરૂરી ડોક્યુમેન્ટ અપલોડ કરો.
• હવે અરજી ફી ચૂકવો અને ફોર્મ સબમિટ કરો.
• છેલ્લે ફોર્મ ડાઉનલોડ કરો અને તેને પ્રિન્ટઆઉટ લો.