Army Recruitment / 1.77 લાખના પગારવાળી સરકારી નોકરી, 12 ધોરણ પાસ માટે સેનામાં ઓફિસર બનવાની તક

12 પાસ વિદ્યાર્થીઓ માટે ભારતીય સેનામાં નોકરી મેળવવાની સુવર્ણ તક છે. આ માટે સેના દ્વારા નોટિફિકેશન જારી કરવામાં આવ્યું છે. જો તમે પણ ભારતીય સેનામાં સીધા અધિકારી બનવામાં રસ ધરાવો છો, તો તેની સત્તાવાર વેબસાઇટ joinindianarmy.nic.in પર આપવામાં આવેલ નોટિફિકેશન ચોક્કસપણે તપાસો.

શું છે આ સ્કીમ

તમને જણાવી દઈએ કે ભારતીય સેના દર વર્ષે ટેકનિકલ એન્ટ્રી સ્કીમ (TES) કોર્સ માટે નોટિફિકેશન બહાર પાડે છે. આ વર્ષે પણ ભારતીય સેના દ્વારા આ સંબંધમાં એક નોટિફિકેશન બહાર પાડવામાં આવ્યું છે. આર્મીના ટેકનિકલ એન્ટ્રી સ્કીમ (TES) 52 કોર્સ દ્વારા લેફ્ટનન્ટના પદ પર સીધી નિમણૂક થશે. આમાં સૌથી મહત્ત્વની બાબત એ છે કે જે ઉમેદવારો અપરિણીત છે તેઓ જ આ માટે અરજી કરી શકે છે. ઉમેદવારે 60% ગુણ સાથે ફિઝીક્સ, કેમેસ્ટ્રી અને મેથ્સ સાથે 12મું પાસ કરેલ હોવું જોઈએ. આ ઉપરાંત, તમે JEE Mains 2024ની પરીક્ષા પણ આપેલી હોવી જોઈએ.

અરજી કરવાની છેલ્લી તારીખ

દર વર્ષે, ઈન્ડિયન આર્મી ટેકનિકલ એન્ટ્રી સ્કીમ (TES) 52 કોર્સના નોટિફિકેશનમાં કહેવામાં આવ્યું છે કે આ પોસ્ટ્સ માટે 13 જૂન સુધી ઓનલાઈન અરજી કરી શકાશે. તેથી, જો તમે આ પોસ્ટ્સ માટે અરજી કરવા માંગતા હોવ તો છેલ્લી તારીખ પહેલા અરજી કરી લો.

કુલ 90 જગ્યાઓ માટે ભરતી

ભારતીય સેનામાં ટેકનિકલ એન્ટ્રી સ્કીમ (TES) 52 કોર્સ દ્વારા કુલ 90 જગ્યાઓ પર ભરતી થવાની છે, આ માટે ઉમેદવારોની લઘુત્તમ ઉંમર 16 વર્ષ 6 મહિના અને મહત્તમ ઉંમર 19 વર્ષ 6 મહિના હોવી જોઈએ. કોઈપણ ઉમેદવાર જે આ પોસ્ટ્સ માટે અરજી કરવા માંગે છે તે ભારતીય સેનાની વેબસાઈટ joinindianarmy.nic.in પર જઈને અરજી કરી શકે છે.