ઈન્ડિયન નેવીમાં ઓફિસર બનવાની શાનદાર તક, આ ઉમેદવારો ભરી શકે છે ફોર્મ

જો તમે પણ ઈન્ડિયન નેવીમાં ઓફિસર બનવાનું સપનું જોઈ રહ્યા છો, તો તમારા માટે એક મોટી તક આવી છે. ઈન્ડિયન નેવીએ SSC જૂન 2025 હેઠળ વિવિધ જગ્યાઓ પર ભરતી માટે સત્તાવાર નોટિફિકેશન બહાર પડ્યું છે. આ વખતે નેવી જનરલ સર્વિસ, એર ટ્રાફિક કંટ્રોલ, પાયલોટ સહિત અનેક મહત્ત્વ\ની જગ્યાઓ પર નિમણૂંક કરશે. અરજીની પ્રક્રિયા શરૂ થઈ ગઈ છે. રજીસ્ટ્રેશનની છેલ્લી તારીખ 29 સપ્ટેમ્બર 2024 છે. રસ ધરાવતા ઉમેદવારો નેવીની અધિકૃત વેબસાઇટ joinindiannavy.gov.in પર જઈને અરજી કરી શકે છે.

ખાલી જગ્યાની વિગતો

ઈન્ડિયન નેવીની આ ભરતી એક્ઝિક્યુટિવ બ્રાન્ચ, એજ્યુકેશન બ્રાન્ચ અને ટેકનિકલ બ્રાન્ચ માટે છે.

• જનરલ સર્વિસ GS (X): 56 જગ્યાઓ
• એર ટ્રાફિક કંટ્રોલ (ATC): 20 જગ્યાઓ
• નેવલ એર ઓપરેશન્સ ઓફિસર (NAOO): 21 જગ્યાઓ
• પાયલોટ: 24 જગ્યાઓ
• લોજિસ્ટિક્સ: 20 જગ્યાઓ
• નેવલ આર્મમેન્ટ ઈન્સ્પેક્ટર કેડર (NAIC): 16 જગ્યાઓ
• એજ્યુકેશન: 15 જગ્યાઓ
• એન્જિનિયરિંગ બ્રાન્ચ જનરલ સર્વિસ (GS): 36 જગ્યાઓ
• ઈલેક્ટ્રિકલ બ્રાન્ચ જનરલ સર્વિસ (GS): 42 જગ્યાઓ

શૈક્ષણિક લાયકાત

આ ભરતી માટે પુરૂષ અને સ્ત્રી બંને ઉમેદવારો અરજી કરી શકે છે. ફોર્મ ભરવા માટે, ઉમેદવારો પાસે ઓછામાં ઓછા 60 ટકા માર્ક્સ સાથે માન્ય યુનિવર્સિટીમાંથી ઈલેક્ટ્રોનિક્સ અને ફિઝીક્સમાં BE/B.Tech/MSc/ માસ્ટર ડિગ્રી હોવી જોઈએ. આ ભરતી માટે માત્ર અવિવાહિત ઉમેદવારો જ પાત્ર હશે. જો તમે નેવીમાં ઓફિસર લેવલની નોકરી કરવા માંગો છો, તો આ તક તમારા માટે એક શાનદાર તક બની છે. ભરતી સંબંધિત કોઈપણ માહિતી માટે, ઉમેદવારો નેવીની સત્તાવાર વેબસાઈટની મુલાકાત લઈ શકે છે.

વય મર્યાદા

અરજી કરનાર ઉમેદવારોનો જન્મ 02 જુલાઈ 2000થી 01 જાન્યુઆરી 2006ની વચ્ચે હોવો જોઈએ. કેટલીક પોસ્ટ માટે આ મર્યાદા 02 જુલાઈ 2001 થી 01 જુલાઈ 2004 અને 2006 સુધીની છે. ફોર્મ ભરવાની પ્રક્રિયા તમામ કેટેગરીના ઉમેદવારો માટે સંપૂર્ણપણે ફ્રી છે.

પગાર અને પસંદગી પ્રક્રિયા

પસંદ કરેલા ઉમેદવારોને સબ લેફ્ટનન્ટની જગ્યા પર પોસ્ટ કરવામાં આવશે, જેનો પ્રારંભિક પગાર 56,100 રૂપિયા પ્રતિ મહિના હશે. પસંદગી પ્રક્રિયામાં અરજી કર્યા પછી, ઉમેદવારોને શોર્ટલિસ્ટ કરવામાં આવશે અને પછી તેમને SSB ઇન્ટરવ્યુ માટે બોલાવવામાં આવશે.

કેવી રીતે અરજી કરવી?

• સૌથી પહેલા સત્તાવાર વેબસાઈટ www.joinindiannavy.gov.in ની મુલાકાત લો.
• હોમપેજ પર "Current Events" ટેબ પર ક્લિક કરો.
• સંબંધિત ભરતી લિંક પર ક્લિક કરો.
• હવે તેમાં રજીસ્ટ્રેશન કરો.
• આ પછી અરજી ફોર્મ ભરીને સબમિટ બટન પર ક્લિક કરો.
• ફોર્મ સબમિટ કર્યા પછી તેને ડાઉનલોડ કરી લો.
• ભાવી સંદર્ભ માટે ફોર્મની પ્રિન્ટઆઉટ લઈ લો.