નોકરી શોધી રહેલા 10 પાસ ઉમેદવારો માટે સારા સમાચાર, ભારતીય ટપાલ વિભાગમાં નીકળી બમ્પર ભરતી

ભારતીય ટપાલ વિભાગમાં GDSની બમ્પર ભરતી માટે ટૂંક સમયમાં અરજીઓ શરૂ થવા જઈ રહી છે. આવી સ્થિતિમાં, આ ભરતીની આતુરતાપૂર્વક રાહ જોઈ રહેલા તમામ ઉમેદવારો જુલાઈથી ફોર્મ ભરી શકશે. તાજેતરમાં ઈન્ડિયા પોસ્ટ GDS ભરતીનું નોટિફિકેશન બહાર પાડવામાં આવ્યું છે, જેમાં ભરતી સંબંધિત તમામ ન્હત્ત્વપૂર્ણ તારીખોનો ઉલ્લેખ કરવામાં આવ્યો છે. આ ભરતી માટેની અરજી પ્રક્રિયા 15 જુલાઈથી શરૂ થશે. આ તારીખથી લાયક ઉમેદવારો indiapostgdsonline.gov.in પર જઈને ફોર્મ ભરી શકશે.

નોટિફિકેશન જારી

ઈન્ડિયા પોસ્ટની આ ભરતી દ્વારા 35 હજાર ગ્રામીણ ડાક સેવકોની ભરતી કરવામાં આવશે. જેના માટે 25મી જૂને નોટિફિકેશન બહાર પાડવામાં આવ્યું છે. આ પોસ્ટ્સ માટે અરજી કરવા માટે, ઉમેદવારોએ માન્ય બોર્ડમાંથી 10મું પાસ કરેલ હોવું આવશ્યક છે. તેમજ ધોરણ 10માં માતૃભાષામાં એક વિષય હોવો જરૂરી છે. આ સિવાય અરજદારોને કોમ્પ્યુટરનું સામાન્ય જ્ઞાન હોવું જોઈએ અને સાયકલ ચલાવતા આવડવી જોઈએ.

વય મર્યાદા

ગ્રામીણ ડાક સેવક ભરતી માટે અરજી કરવા માટે, ઉમેદવારોની લઘુત્તમ વય 18 વર્ષ અને મહત્તમ 40 વર્ષ હોવી જોઈએ. અનામત વર્ગના ઉમેદવારોને ઉપલી વય મર્યાદામાં પણ છૂટછાટ આપવામાં આવશે. આમાં, ઉમેદવારોની પસંદગી કોઈપણ લેખિત પરીક્ષા વિના મેરિટ બેઝ અને ડોક્યુમેન્ટ વેરિફિકેશનના આધારે કરવામાં આવશે. પસંદ કરેલ ઉમેદવારોની યાદી સત્તાવાર વેબસાઇટ પર જ જાહેર કરવામાં આવશે.

અરજી ફી

જનરલ, OBC અને EWS કેટેગરીના ઉમેદવારોએ 100 રૂપિયાની અરજી ફી સબમિટ કરવાની રહેશે. જ્યારે અનુસૂચિત જાતિ, અનુસૂચિત જનજાતિ અને પીડબલ્યુડી શ્રેણીના ઉમેદવારો કોઈપણ ફી વિના આ ભરતી માટે ફોર્મ ભરી શકે છે. આ ભરતી માટે અરજી શરૂ થયા પછી, ઉમેદવારો નીચે આપેલા પગલાઓની મદદથી ઓનલાઈન ફોર્મ ભરી શકશે.

• સૌથી પહેલા ઈન્ડિયા પોસ્ટની સત્તાવાર વેબસાઈટ indiapostgdsonline.gov.in પર જાઓ.
• આ પછી, હોમપેજ પર ભરતી સંબંધિત રજીસ્ટ્રેશન લિંક પર ક્લિક કરો.
• હવે બધી જરૂરી વિગતો ભર્યા પછી, રજીસ્ટ્રેશનની પ્રક્રિયા પૂર્ણ કરો.
• એપ્લિકેશન ફોર્મ ભર્યા પછી, બધા જરૂરી ડોક્યુમેન્ટ અપલોડ કરો.
• એપ્લિકેશન ફી જમા કરાવ્યા પછી, ફોર્મની પ્રિન્ટ કાઢી લો.