ઈન્ડિયા પોસ્ટ GDSની જગ્યાઓનું પ્રથમ મેરિટ લિસ્ટ બહાર પાડવામાં આવ્યું, આ રીતે કરો ચેક

ઈન્ડિયા પોસ્ટે ગ્રામીણ ડાક સેવકની જગ્યાઓ માટે પસંદ કરેલ ઉમેદવારોનું પ્રથમ મેરિટ લિસ્ટ બહાર પાડ્યું છે. આ યાદી સર્કલ મુજબ બહાર પાડવામાં આવી છે. જે ઉમેદવારોએ ઈન્ડિયા પોસ્ટની GDS પોસ્ટ માટે અરજી કરી છે તેઓ અધિકૃત વેબસાઈટની મુલાકાત લઈને પરિણામ જોઈ શકે છે. આ માટે તમે આ બેમાંથી કોઈપણ વેબસાઈટની મુલાકાત લઈ શકો છો - indiapostgdsonline.gov.in અને indiapostonline.cept.gov.in. 

આ સર્કલ માટે પરિણામો જાહેર કરવામાં આવ્યા

આ મેરિટ લિસ્ટ ઘણા સર્કલ માટે બહાર પાડવામાં આવ્યું છે. જેમ કે આંધ્ર પ્રદેશ, આસામ, દિલ્હી, તેલંગાણા, પશ્ચિમ બંગાળ, પંજાબ, કેરળ, કર્ણાટક, મહારાષ્ટ્ર, તમિલનાડુ, ગુજરાત, દિલ્હી વગેરે. આ પછી વધુ મેરિટ લિસ્ટ બહાર પાડવામાં આવશે. જો કે, તે પોસ્ટ્સ બાકી છે કે નહીં તેના પર નિર્ભર કરે છે. ઉમેદવારોએ નવીનતમ માહિતી માટે સમયાંતરે સત્તાવાર વેબસાઈટની મુલાકાત લેતા રહેવી જોઈએ.

હવે આગળના તબક્કાનો સમય છે

જે ઉમેદવારોના નામ આ મેરિટ લિસ્ટમાં છે તેમણે હવે પછીના તબક્કામાં જવાનું રહેશે. આમાં ડોક્યુમેન્ટ વેરીફિકેશન અને મેડીકલ એક્ઝામીનેશનનો સમાવેશ થાય છે. તમામ તબક્કાઓ પસાર કર્યા પછી જ પસંદગી થશે. ઉમેદવારો તેમની પસંદગી કરવામાં આવી છે કે નહીં તે જોવા માટે સત્તાવાર વેબસાઈટની મુલાકાત લઈ શકે છે. સામાન્ય રીતે એક કરતા વધુ મેરિટ લિસ્ટ બહાર પાડવામાં આવે છે.

આ રીતે ચેક કરો મેરિટ લિસ્ટ

• પ્રથમ મેરિટ લિસ્ટ ચેક કરવા માટે, પહેલા સત્તાવાર વેબસાટ એટલે કે indiapostgdsonline.gov.in અથવા indiapostonline.cept.gov.in પર જાઓ.
• અહીં, તમે જે સર્કલ માટે પરિણામ જોવા માંગો છો તેના પર ક્લિક કરો.
• આમ કરવાથી એક નવું પેજ ખુલશે. આ પેજ પર તમારે લોગિન ડીટેલ દાખલ કરવી પડશે.
• વિગતો દાખલ કરો અને સબમિટ બટન દબાવો. આ બાદ તમને કમ્પ્યુટર સ્ક્રીન પર મેરિટ લિસ્ટ દેખાશે.
• તેને ચેક કરીને તેને ડાઉનલોડ કરો અને પ્રિન્ટ આઉટ લો.