JOB: IBPS POની પ્રિલિમ્સનું એડમિટ કાર્ડ બહાર પાડવામાં આવ્યું, આ રીતે કરો ડાઉનલોડ

ઈન્સ્ટિટ્યૂટ ઓફ બેન્કિંગ પર્સનલ સિલેક્શન એટલે કે IBPS એ પ્રોબેશનરી ઓફિસર/મેનેજમેન્ટ ટ્રેઇની (CRP PO/MT-XIV) ની ભરતી પરીક્ષા માટે એડમિટ કાર્ડ બહાર પાડ્યું છે. જે ઉમેદવારોએ બેંક PO માટે અરજી કરી હતી તેઓ IBPS ની સત્તાવાર વેબસાઈટ ibps.in પર જઈને તેમનું એડમિટ કાર્ડ ડાઉનલોડ કરી શકે છે.

એડમિટ કાર્ડ કેવી રીતે ડાઉનલોડ કરવું?

• સૌથી પહેલા IBPSની ઓફિશિયલ વેબસાઈટ ibps.in પર જાઓ.
• પછી હોમપેજ પર ‘પ્રોબેશનરી ઓફિસર/મેનેજમેન્ટ ટ્રેઇની એડમિટ કાર્ડ’ લિંક પર ક્લિક કરો.
• નવા પેજ પર તમારો રજીસ્ટ્રેશન નંબર અને જન્મ તારીખ દાખલ કરો.
• સબમિટ બટન પર ક્લિક કરો. સ્ક્રીન પર IBPS POની પ્રિલિમ્સનું એડમિટ કાર્ડ દેખાશે.
• તમારું એડમિટ કાર્ડ ડાઉનલોડ કરો અને પરીક્ષાના દિવસ માટે તેની પ્રિન્ટઆઉટ કાઢી લો.

ઉમેદવારોએ નોંધ લેવી જોઈએ કે IBPS PO એડમિટ કાર્ડ ફક્ત 20મી ઓક્ટોબર સુધી સત્તાવાર વેબસાઈટ પર ડાઉનલોડ કરવા માટે ઉપલબ્ધ રહેશે. તેથી, તે મહત્ત્વનું છે કે ઉમેદવારો આ પહેલા તેમનું એડમિટ કાર્ડ ડાઉનલોડ કરી લે. ઉમેદવારોએ એ નોંધવું પણ અગત્યનું છે કે તેઓએ પરીક્ષા ખંડમાં પ્રવેશવા માટે પરીક્ષા કેન્દ્ર પર તેમના એડમિટ કાર્ડ સાથે માન્ય ફોટો આઈડી પણ સાથે રાખવું આવશ્યક છે.

પરીક્ષાની પેટર્ન શું છે?

IBPS POની પ્રિલિમ્સ 19 અને 20 ઓક્ટોબરે લેવામાં આવશે. પરીક્ષા દરરોજ ચાર શિફ્ટમાં લેવામાં આવશે અને દરેક પરીક્ષા એક કલાકની રહેશે. પરીક્ષામાં કુલ 100 પ્રશ્નો પૂછવામાં આવશે. ઉમેદવારોએ નોંધ લેવી જોઈએ કે પરીક્ષામાં નેગેટિવ માર્કિંગ હશે એટલે કે તેમના દ્વારા આપવામાં આવેલા દરેક ખોટા જવાબ માટે, તે પ્રશ્ન માટે ફાળવવામાં આવેલા 1/4 માર્ક્સ નેગેટિવક માર્કિંગ તરીકે કાપવામાં આવશે.

પસંદગી પ્રક્રિયા શું છે?

IBPS PO માટેની પસંદગી પ્રક્રિયામાં પ્રિલિમ્સ, મેઈન્સ અને ઇન્ટરવ્યુ રાઉન્ડનો સમાવેશ થાય છે. ઉમેદવારોએ નિર્ધારિત કટ-ઓફ માર્ક્સ મુજબ દરેક પરીક્ષા પાસ કરવી જરૂરી છે. પ્રિલિમ્સ પાસ કરનારા ઉમેદવારોને જ મેઈન્સ માટે શોર્ટલિસ્ટ કરવામાં આવશે અને પછી જે ઉમેદવારો મેઈન્સ પાસ કરશે તેમને ઇન્ટરવ્યુ માટે બોલાવવામાં આવશે. ઇન્ટરવ્યુ કુલ 100 માર્ક્સનો હશે, જે અંતિમ પસંદગી માટે ખૂબ જ મહત્ત્વપૂર્ણ છે.