IBPS RRB Clerk Mains માટે બહાર પડ્યું એડમિટ કાર્ડ, જાણો ડાઉનલોડ કરવાની રીત

IBPS RRB ક્લાર્ક Mainsમાં બેસનારા ઉમેદવારો માટે એક મહત્ત્વપૂર્ણ અપડેટ આવ્યું છે. ઈન્સ્ટિટ્યૂટ ઓફ બેંકિંગ પર્સનલ સિલેક્શન (IBPS) એ RRB ક્લાર્ક Mains માટે એડમિટ કાર્ડ બહાર પાડ્યું છે. પ્રિલિમ્સ પરીક્ષામાં પાસ થયેલા ઉમેદવારો હવે આ પરીક્ષા આપી શકશે.

આ પણ વાંચો :

EXAM / IBPSએ જાહેર કર્યું PO, SO અને અન્ય પરીક્ષાઓનું શેડ્યૂલ, જાણો પ્રિલિમ્સ અને મેઈન્સની તારીખો

BANK JOB / સેન્ટ્રલ બેંક ઓફ ઈન્ડિયામાં 350 જગ્યાઓ પર નીકળી ભરતી, આ ડિગ્રી ધરવતા ઉમેદવારો માટે મોટી તક

પરીક્ષામાં પાસ થયેલા ઉમેદવારો IBPSની સત્તાવાર વેબસાઈટ ibps.in પરથી તેમનું એડમિટ કાર્ડ ડાઉનલોડ કરી શકે છે. એડમિટ કાર્ડ ડાઉનલોડ કરવા માટે ઉમેદવારોએ લોગિન પેજની મુલાકાત લેવી પડશે અને તેમનો રજીસ્ટ્રેશન નંબર અને પાસવર્ડ દાખલ કરવો પડશે.

એડમિટ કાર્ડ જરૂરી ડોક્યુમેન્ટ છે

ઉમેદવારોને એડમિટ કાર્ડ વિના પરીક્ષા કેન્દ્રમાં પ્રવેશવાની મંજૂરી નહીં આપવામાં આવે, તેથી સમયસર એડમિટ કાર્ડ ડાઉનલોડ કરવું જરૂરી છે. આ સિવાય જો કોઈ માહિતી ખોટી હોય, તો તાત્કાલિક સંબંધિત અધિકારીનો સંપર્ક કરો.

આ પણ વાંચો :

Career / 12મા ધોરણ પછી સંરક્ષણ ક્ષેત્રમાં કારકિર્દી બનાવવા માંગો છો? તો આ પ્રવેશ પરીક્ષાની કરો તૈયારી

Republic Dayની પ્રથમ પરેડ ક્યાં યોજાઈ હતી? શું છે 21 તોપોની સલામી પાછળનું રહસ્ય? અહીં જાણો

તમને જણાવી દઈએ કે IBPS RRB ક્લાર્ક પ્રિલિમ્સ 6, 7, 13 અને 14 ડિસેમ્બર, 2025ના રોજ લેવામાં આવી હતી અને તેના પરિણામો પહેલાથી જ જાહેર થઈ ગયા છે. આ ભરતી ઝુંબેશમાં દેશભરની પ્રાદેશિક ગ્રામીણ બેંકો (RRB) માં કુલ 8,002 ઓફિસ આસિસ્ટન્ટ (ક્લાર્ક) ની જગ્યાઓ ભરવામાં આવશે.

આ તારીખે યોજાશે Mains

IBPS દ્વારા જાહેર કરાયેલ શેડ્યૂલ મુજબ IBPS RRB ક્લાર્ક Mains 1 ફેબ્રુઆરી, 2026ના રોજ યોજાશે. ઉમેદવારોએ પરીક્ષાના દિવસે તેમના એડમિટ કાર્ડ સાથે પાસપોર્ટ સાઈઝનો ફોટો અને તેમના આધાર કાર્ડની નકલ સાથે રાખવી જરૂરી છે.

એડમિટ કાર્ડમાં પરીક્ષાની તારીખ, સમય, કેન્દ્ર અને ગાઈડલાઈન્સ સહિતની તમામ મહત્ત્વપૂર્ણ માહિતી લખેલી હશે. ઉમેદવારોને એડમિટ કાર્ડ કાળજીપૂર્વક વાંચવાની અને આપેલી ગાઈડલાઈન્સનું પાલન કરવાની સલાહ આપવામાં આવે છે.

એડમિટ કાર્ડમાં આ માહિતી હશે

એડમિટ કાર્ડમાં ઉમેદવાર વિશે ઘણી મહત્ત્વપૂર્ણ માહિતી હશે, જે પરીક્ષા પહેલા ચેક કરવી જરૂરી છે.

• ઉમેદવારનું નામ
• માતા અને પિતાનું નામ
• રજીસ્ટ્રેશન/રોલ નંબર
• પરીક્ષાનું નામ
• પરીક્ષાની તારીખ અને સમય
• પરીક્ષા કેન્દ્રનું નામ
• પરીક્ષા કેન્દ્રનું પૂરું સરનામું
• ઉમેદવારનો પાસપોર્ટ સાઈઝનો ફોટો

કેવી રીતે ડાઉનલોડ કરવું?

• સૌપ્રથમ, IBPSની સત્તાવાર વેબસાઇટ, ibps.in ની મુલાકાત લો.
• હવે હોમપેજ પર 'IBPS RRB ક્લાર્ક Mains એડમિટ કાર્ડ 2026' લિંક પર ક્લિક કરો.
• હવે લોગિન પેજ પર તમારો રજીસ્ટ્રેશન નંબર અને પાસવર્ડ દાખલ કરો.
• સબમિટ કર્યા પછી, એડમિટ કાર્ડ સ્ક્રીન પર દેખાશે.
• એડમિટ કાર્ડ ચેક કરીને ડાઉનલોડ કરી લો અને પ્રિન્ટ પણ કાઢી લો.