JOB / આ બેંકમાં પરીક્ષા વગર મળશે શાનદાર નોકરી! જાણો દરેક વિગતો

બેંકમાં ઓફિસર લેવલ પર સરકારી નોકરી કરવા માંગતા ઉમેદવારો માટે સારા સમાચાર છે. બેંક ઓફ બરોડા (BOB) માં ડિફેન્સ બેંકિંગ એડવાઈઝર, ડેપ્યુટી હેડ ઈન્વેસ્ટર રિલેશન્સ, ડેપ્યુટી ડિફેન્સ બેંકિંગ એડવાઈઝર (DDBA) ની જગ્યાઓ માટે અરજીઓ મંગાવવામાં આવી છે. આ જગ્યાઓ માટે અરજી કરવાની છેલ્લી તારીખ 10 ડિસેમ્બર 2024 છે. જો તમે ઓનલાઈન ફોર્મ ભરવા ઈચ્છો છો તો તમારે સત્તાવાર વેબસાઈટ www.bankofbaroda.in પર જવું પડશે. આ પછી તમે ઓનલાઈન ફોર્મ ભરી શકો છો.

આ પણ વાંચો: JEE Advanced 2025 પરીક્ષાની તારીખ જાહેર, અહીં જાણો તમામ મહત્ત્વપૂર્ણ વિગતો

શૈક્ષણિક લાયકાત

આ પોસ્ટ્સ માટે અરજી કરવા માટે, ઉમેદવારોએ માન્યતા પ્રાપ્ત યુનિવર્સિટીમાંથી સ્નાતક હોવું આવશ્યક છે. CA/MBA ઉમેદવારો ડેપ્યુટી હેડ ઈન્વેસ્ટર રિલેશન માટે અરજી કરી શકે છે. આ ઉપરાંત કામનો અનુભવ પણ માંગવામાં આવ્યો છે. ઉમેદવારો ભરતીના સત્તાવાર નોટિફિકેશનમાંથી પોસ્ટ મુજબની વિગતો ચેક કરી શકે છે.

વય મર્યાદા

ડેપ્યુટી હેડ ઈન્વેસ્ટર રિલેશન્સની પોસ્ટ પર અરજી કરવા માટે, ઉમેદવારોની ન્યૂનતમ ઉંમર 35 વર્ષ અને મહત્તમ 40 વર્ષ હોવી જોઈએ. જ્યારે ડિફેન્સ બેન્કિંગ એડવાઈઝર માટે મહત્તમ વય મર્યાદા 60 વર્ષ નક્કી કરવામાં આવી છે, તો ડેપ્યુટી ડિફેન્સ બેન્કિંગ એડવાઈઝર માટે મહત્તમ ઉંમર 57 વર્ષ નક્કી કરવામાં આવી છે.

પગાર

ડિફેન્સ બેન્કિંગ એડવાઈઝર (DBA) ના પદ માટે પસંદ કરાયેલા ઉમેદવારોને વાર્ષિક 24 લાખ રૂપિયા, DDBA માટે 18 લાખ રૂપિયાનો વાર્ષિક પગાર આપવામાં આવશે.

પસંદગી પ્રક્રિયા

આ પોસ્ટ્સ પરના ઉમેદવારોની પસંદગી કોઈપણ પરીક્ષા વિના ડાયરેક્ટ શોર્ટલિસ્ટિંગ અને ઇન્ટરવ્યુ દ્વારા કરવામાં આવશે.

અરજી ફી

અરજી દરમિયાન, જનરલ, EWS અને OBC કેટેગરીના ઉમેદવારોએ 600 રૂપિયાની અરજી ફી ચૂકવવી પડશે. જ્યારે SC, ST, મહિલા અને PWD ઉમેદવારોએ 100 રૂપિયાની અરજી ફી ચૂકવવાની રહેશે.