Career Option after 12th Arts / આર્ટસમાંથી 12મું પાસ કર્યું છે, તો આ ક્ષેત્રોમાં બનાવી શકો છો તમારું ભવિષ્ય

સમગ્ર દેશમાં બોર્ડના પરિણામ જાહેર કરવાની પ્રક્રિયા શરૂ થઈ ગઈ છે. 12મું પાસ કર્યા પછી વિદ્યાર્થીઓ અને તેમના વાલીઓના મનમાં સૌથી મોટો પ્રશ્ન એ છે કે તેમની કારકિર્દીને કયા ક્ષેત્રમાં દિશા આપવી. તેમાં પણ જો વિદ્યાર્થી આર્ટસ સ્ટ્રીમમાંથી 12મું પાસ થવાનો હોય તો તે વધુ સારી કારકિર્દી માટે ચિંતિત હોય છે. પરંતુ અમે તમને જણાવી દઈએ કે જે વિદ્યાર્થીઓએ આર્ટસ સ્ટ્રીમમાંથી 12મું પાસ કર્યું છે તેમની પાસે અન્ય ક્ષેત્રોની સરખામણીમાં વધુ સારું ભવિષ્ય બનાવવાની તકો છે. આવા વિદ્યાર્થીઓ ટીચિંગ, લો, બિઝનેસ મેનેજમેન્ટ, જર્નાલિઝમ અને અન્ય ક્ષેત્રોમાં કારકિર્દી બનાવી શકે છે.

ટીચિંગ

જો તમને ટીચિંગ ક્ષેત્રમાં રસ હોય તો 12મા પછી તમે 4 વર્ષના BA B.Ed, B.Sc B.Ed, B.El.Ed (બેચલર ઓફ એલીમેન્ટ્રી એજ્યુકેશન), D.El.Ed (ડિપ્લોમા ઇન એલીમેન્ટ્રી એજ્યુકેશન) કોર્સમાં એડમિશન લઈને આગળ વધી શકો છો. આ ઉપરાંત, આર્ટ્સમાં ઉચ્ચ શિક્ષણ મેળવ્યા પછી આસિસ્ટન્ટ પ્રોફેસરની પોસ્ટ માટે પણ પ્રયાસ કરી શકો છો.

લો અથવા મેનેજમેન્ટ

જો તમે આર્ટસ સ્ટ્રીમમાંથી 12મું પાસ કરવા જઈ રહ્યા છો તો તમારી પાસે કાયદાના ક્ષેત્રમાં પણ કારકિર્દી બનાવવાની તક છે. આ માટે તમે 12મા પછી તરત જ 5 વર્ષના ઇન્ટિગ્રેટેડ કોર્સ BA-LLBમાં એડમિશન લઈ શકો છો. 

કાયદા ઉપરાંત, તમે BBA (બેચલર ઓફ બિઝનેસ એડમિનિસ્ટ્રેશન), BMS (બેચલર ઓફ બિઝનેસ સ્ટડીઝ), BHM (બેચલર ઓફ હોટેલ મેનેજમેન્ટ), રિટેલ મેનેજમેન્ટ જેવા મેનેજમેન્ટ ક્ષેત્રના કોર્સમાં પણ પ્રવેશ લઈ શકો છો.

જર્નાલિઝમ

જો તમને ન્યૂઝ રાઇટિંગ, રિપોર્ટિંગ, એન્કરિંગ, કન્ટેન્ટ રાઇટિંગમાં રસ હોય તો તમે જર્નાલિઝમનો કોર્સ કરી શકો છો. તેમાં ડિગ્રી અને ડિપ્લોમા બંને કોર્સ ઉપલબ્ધ છે. 12મી પછી તમે BJMC (બેચલર ઓફ જર્નાલિઝમ એન્ડ માસ કોમ્યુનિકેશન) કરી શકો છો. BJMC પછી તમે ઉચ્ચ શિક્ષણ માટે MJMC (માસ્ટર ઓફ જર્નાલિઝમ એન્ડ માસ કોમ્યુનિકેશન) ડિગ્રી પણ મેળવી શકો છો. આ સિવાય તમે આ ક્ષેત્રમાં ડિપ્લોમા કોર્સ પણ કરી શકો છો.