Work from Home માટે 30 કંપનીઓ શોધી રહી છે કર્મચારીઓ, પગાર ધોરણ 2 કરોડ સુધી

કોરોનાના સમયગાળા દરમિયાન લાદવામાં આવેલા લોકડાઉનને કારણે, 'વર્ક ફ્રોમ હોમ' કલ્ચર વધુ લોકપ્રિય બન્યું છે. રોગચાળો ફેલાયો પછી, કંપનીઓ માટે તેમના કર્મચારીઓને ઓફિસમાં બોલાવીને કામ કરાવવું મુશ્કેલ બન્યું હતું. મોટાભાગના કર્મચારીઓ ઓફિસ આવવા માંગતા ન હતા. જ્યારે કંપનીઓએ કડક કાર્યવાહી કરી તો ઘણા કર્મચારીઓએ નોકરી છોડી દીધી હતી. કેટલાક લોકોએ હવે ઘરેથી કામ કરવાનું નક્કી કર્યું છે. આવા લોકો માટે સારા સમાચાર એ છે કે ઘણી કંપનીઓએ હવે વર્ક ફ્રોમ હોમ કલ્ચરને સંપૂર્ણપણે અપનાવી લીધું છે. FlexJobs નામની એક એજન્સીએ ટોપ 30 કંપનીઓની યાદી બહાર પાડી છે, જે 'વર્ક ફ્રોમ હોમ' અથવા 'વર્ક ફ્રોમ એનીવેર' કરવા ઈચ્છતા લોકો માટે સ્વર્ગથી ઓછી નથી.

આ વૈશ્વિક કંપનીઓએ હવે 'વર્ક ફ્રોમ એનીવેર' ના ખ્યાલને સંપૂર્ણપણે સ્વીકારી લીધો છે. આ કંપનીઓ ભૌગોલિક સીમાઓના બંધનોને પણ ધ્યાનમાં લેતી નથી અને વિશ્વભરમાંથી ટેલેન્ટેડ લોકોને હાયર કરી રહી છે. આ કંપનીઓમાં ઓફિસે જવાની ફરજ સંપૂર્ણપણે નાબૂદ કરવામાં આવી છે. ઉત્તમ સેલેરી પેકેજ અને શિફ્ટ પસંદ કરવાની સ્વતંત્રતાના કારણે આ કંપનીઓમાં કર્મચારીઓની રૂચિ વધી રહી છે.

આ લોકોની માંગ વધુ છે

FlexJobs નોકરી શોધનારાઓને ઉચ્ચ ગુણવત્તાની રિમોટ, વર્ક ફ્રોમ હોમ, હાઇબ્રિડ અને ફ્લેક્સિબલ નોકરીઓ શોધવામાં મદદ કરે છે. FlexJobs એ ટોપ  30 કંપનીઓની યાદી બનાવવા માટે 60,000થી વધુ કંપનીઓનું વિશ્લેષણ કર્યું જે કોઈપણ જગ્યાએથી કામ કરવાની ઓફર આપે છે. આ સંશોધનમાં જાણવા મળ્યું છે કે ટેક્નોલોજી, એકાઉન્ટિંગ, ગ્રાફિક ડિઝાઇનિંગ, ગેમિંગ અને સ્ટડી પ્રોફેશનલ્સની માંગ વધુ છે.

આ છે ટોપ 30 કંપનીઓ

FluentU, Static Media, Kraken, Chainlink Labs, Veeva, Invisible Technologies, Wikimedia Foundation, Finixio, Oyster HR, Canonical, Remote Technology, Inc., Study.com, Magic Media & Entertainment Group, Superside, Yodo1, Outliant , Cozymeal, Nethermind, Sourcegraph, Verra, Carry1st, Consensys, Hypixel Studios, Screen Rant, Crimson Education, e2f, Xapo Bank, Cash App, Scopic Software and Binance.

સેલેરી પેકેજ

રિપોર્ટ અનુસાર, FlexJobsના કરિયર એક્સપર્ટ ટોની ફરાનાનું કહેવું છે કે આ ટોપ 30 કંપનીઓમાં કર્મચારીઓને સારો પગાર મળી રહ્યો છે. Chainlink Labs અને Wikimedia Foundation એ તાજેતરના વર્ષોમાં રિમોટ અને ફ્લેક્સિબલ નોકરીઓ ઓફર કરી છે. ઘણી કંપનીઓ રિમોટ નોકરીઓ માટે 83 લાખ રૂપિયાથી વધુના વાર્ષિક પેકેજ ઓફર કરી રહી છે. Wikimedia Foundation એ તાજેતરમાં જ ડાયરેક્ટર ઓફ એન્જિનિયરિંગના પદ માટે જાહેરાત આપી હતી. આ પોસ્ટ માટે પગાર પેકેજ 1.3 કરોડથી 2.1 કરોડ રૂપિયા રાખવામાં આવ્યું હતું. એ જ રીતે, Invisible Technologies એ સિનિયર પ્રોડક્ટ મેનેજરને રૂ. 1.4 કરોડનું વાર્ષિક પેકેજ ઓફર કર્યું હતું.