શું તમે પણ ફ્લેટ કે ટેનામેન્ટ ખરીદવાનું વિચારી રહ્યા છો? તો તમને ઉપયોગી થશે આ ટિપ્સ

ઘર ખરીદવું એ એક એવું કામ છે જેમાં ઘણી રિસર્ચ અને પ્લાનિંગની જરૂર પડે છે. કોઈપણ સામાન્ય માણસના જીવનમાં આ સૌથી મોટી ખરીદી છે. આજકાલ યુવાનોને ફ્લેટ ખરીદવાનો ખૂબ શોખ છે. જ્યારે કેટલાક લોકો ટેનામેન્ટ ખરીદવા ઈચ્છે છે. આવી સ્થિતિમાં જ્યારે તમે ટેનામેન્ટ, ફ્લેટ અથવા પ્લોટ ખરીદવાનું વિચારો છો, ત્યારે કેટલીક બાબતો છે ધ્યાનમાં રાખવી જરૂરી છે. આ લેખમાં અમે તમને એવી ટિપ્સ આપવા જઈ રહ્યા છીએ, જે તમને ઘર ખરીદતી વખતે ઘણી મદદ કરશે.

ઘર ખરીદતી વખતે આ બાબતો ધ્યાનમાં રાખો

જો ડેવલપર અને બાયર વચ્ચે કોઈ એજન્ટ ન હોય તો કમિશનના પૈસા બચી જાય છે. તેથી, ડેવલપર અથવા સેલર પાસેથી જ ઘર ખરીદવાનો પ્રયાસ કરો. આ રીતે તમે કિંમત પર 5 ટકા સુધી બચાવી શકો છો.

શક્ય તેટલું કેશ પેમેન્ટ કરવાનો પ્રયાસ કરો, આ તમને વધુ ડિસ્કાઉન્ટ મેળવવામાં મદદ કરશે. આ સિવાય જ્યારે એક જ પ્રોજેક્ટમાં 2-4 બાયર્સ એક સાથે ઘર ખરીદે છે, તો ડેવલપર વધારાનું ડિસ્કાઉન્ટ આપી શકે છે.

પ્રોપર્ટી ડીલ કરતા પહેલા તે વિસ્તારના લોકોને મળો અને પ્રોપર્ટીના સરેરાશ દરો વિશે માહિતી મેળવો. આ પછી, ડીલને સસ્તી કરવા માટે ડેવલપર સાથે ચર્ચા કરો. ડેવલપર્સ અને સેલર્સ ફેસ્ટિવ સિઝન દરમિયાન બાયર્સ માટે ઓફર્સ અને ડિસ્કાઉન્ટ લઈને આવે છે. તમે આ ઓર્સનો લાભ લઈ શકો છો.

અંડર કન્સ્ટ્રક્શન ઘરો કરતાં રેડી ટુ મૂવ (તૈયાર ઘરો) વધુ ખર્ચાળ હોય છે. તમે અંડર કન્સ્ટ્રક્શન ઘરો માટે પણ વધુ ડિસ્કાઉન્ટ મેળવી શકો છો. ઘર ખરીદતા પહેલા અગાઉ ઘર ખરીદ્યું હોય તેવા મિત્રો અથવા પડોશીઓ સાથે ચર્ચા કરો. તેઓ તમને વેચાણ માટે ઉપલબ્ધ ઘરો વિશે માહિતી આપી શકે છે. આ પછી ઘરના માલિકનો સીધો સંપર્ક કરો.

જો તમે હાઉસિંગ પ્રોજેક્ટમાં પ્રોપર્ટી ખરીદો છો, તો ખાતરી કરો કે ડેવલપરે તમામ પરવાનગીઓ કાયદેસર રીતે મેળવી લીધી છે. આ ઉપરાંત જો તમે આર્થિક બોજથી બચવા માંગતા હોવ તો તમારા બજેટ પ્રમાણે ઘર ખરીદો. એ પણ નક્કી કરો કે તમને કેટલા મોટા ટેનામેન્ટ અથવા ફ્લેટની જરૂર છે.