ઘટાડા સાથે બંધ રહ્યું શેરબજારઃ Nifty ITએ પહેલી વાર 46000નો આંકડો પાર કર્યો

ગુરુવારે શેરબજારમાં ભારે વોલેટિલિટી જોવા મળી હતી. આજના કારોબારમાં બજાર ઘટાડા સાથે બંધ થયું હતું, જ્યારે સવારે કારોબાર સપાટ સ્તરે શરૂ થયો હતો. આ પહેલા બુધવારે પણ બજાર સપાટ સ્તરે બંધ થયું હતું. ગુરુવારે સેન્સેક્સ 236.18 પોઈન્ટ અથવા 0.28% ઘટીને 81,290 ના સ્તરે બંધ થયો હતો, જ્યારે નિફ્ટી 93.10 પોઈન્ટ અથવા 0.38% ઘટીને 24,549 ના સ્તરે બંધ થયો હતો. આજના ટ્રેડિંગ સેશનમાં આઈટી શેર્સમાં સારો ઉછાળો જોવા મળ્યો હતો, આથી નિફ્ટી આઈટી ઈન્ડેક્સ પ્રથમ વખત 46,000ની સપાટી વટાવી ગયો હતો.

વ્યાપક બજારો પર દબાણ

મધ્યમ અને નાના શેરોમાં પણ નબળાઈ જોવા મળી હતી. નિફ્ટી મિડકેપ 100 અને નિફ્ટી સ્મોલકેપ 100 અનુક્રમે 0.46% અને 0.9% ઘટીને બંધ થયા છે.

આ શેરોમાં જોવા મળી તેજી

ગુરુવારે, નિફ્ટી 50 પેક શેર્સમાં, અદાણી એન્ટરપ્રાઇઝનો શેર 1.91% વધીને 2,504 ના સ્તરે બંધ થયો, જ્યારે ભારતી એરટેલનો શેર 1.55% વધીને 1,611ના સ્તરે બંધ થયો. આ પછી, ટેક મહિન્દ્રાનો શેર 1.53% ના વધારા સાથે 1,790 પર બંધ થયો, જ્યારે ઇન્ડસઇન્ડ બેંકનો શેર 1.34% ના વધારા સાથે 997.95 પર બંધ થયો. તે જ સમયે, અદાણી પોર્ટ 0.83% વધીને 1,244 ના સ્તરે બંધ થયો હતો. 

આ પણ વાંચો : મુકેશ અંબાણી ₹25,500 કરોડની શોધમાં! જાણો એશિયાના સૌથી ધનિકને કેમ લોનની જરૂર પડી

આજના ટોપ લૂઝર્સ

સૌથી વધુ ઘટનારા શેરો પર નજર નાંખવામાં આવે તો એનટીપીસી  2.71 ટકા ઘટીને રૂ. 355.60 પર બંધ થયો હતો, જ્યારે એચયુએલનો શેર 2.35 ટકા ઘટીને રૂ. 2,345 પર બંધ થયો હતો. આ પછી હીરો મોટર કોર્પનો શેર પણ 2 ટકાથી વધુ ઘટીને 4,557ના સ્તરે બંધ થયો હતો. આ સિવાય કોલ ઈન્ડિયા લિમિટેડના શેર 1.89% ના ઘટાડા સાથે 409.10 પર બંધ થયા, જ્યારે બીપીસીએલના શેર 1.73% ના ઘટાડા સાથે 302.15 પર બંધ થયા.

નિફ્ટી આઈટી 46,000 ની સપાટી વટાવી ગયો

આજના ટ્રેડિંગ સેશનમાં, નિફ્ટી શેરમાં ઉછાળાને કારણે, નિફ્ટી આઈટી ઈન્ડેક્સ 0.77% ના વધારા સાથે 45,702ના ટોચના સ્તર પર બંધ થયો. આજના ટ્રેડિંગમાં નિફ્ટી આઇટીએ પહેલીવાર 46,000નો આંકડો પાર કર્યો છે. આ પછી નિફ્ટી મેટલ 0.25%ના વધારા સાથે 9,508ના સ્તર પર બંધ થયો છે. તે જ સમયે, બેંક નિફ્ટી 0.33% ઘટીને 53,216 ના સ્તર પર બંધ થયો, જ્યારે નિફ્ટી ઓટો 0.80% ઘટીને 23,660ના સ્તર પર બંધ થયો. આ સિવાય નિફ્ટી એફએમસીજી 1.09% ઘટીને 56,147ના સ્તરે બંધ રહ્યો હતો.