Stock Market: શેરબજાર ફ્લેટ સપાટીએ બંધ, આ શેરમાં જોવા મળી તેજી

ભારતીય શેરબજાર 3જી સપ્ટેમ્બરે ટ્રેડિંગ સેશનમાં બેન્કિંગ અને ફાર્મા જેવા સેક્ટરમાં ખરીદી જોવા મળી હતી, જ્યારે નિફ્ટી એનર્જી, નિફ્ટી ઓટો અને નિફ્ટી આઈટી જેવા સેક્ટરમાં ભારે વેચવાલી જોવા મળી હતી. જોકે, અંતે સેન્સેક્સ અને નિફ્ટી ફ્લેટ બંધ રહ્યા હતા.

સેન્સેક્સ 82,555ના સ્તરે બંધ 

મંગળવારે નિફ્ટી 1.15 પોઈન્ટના વધારા સાથે 25,279ના સ્તરે બંધ થયો હતો, જ્યારે સેન્સેક્સ 4.40 પોઈન્ટના ઘટાડા બાદ 82,555ના સ્તરે બંધ થયો હતો.

આ શેર લીલા અને લાલ નિશાને બંધ થયા

મંગળવારે, આઇસીઆઇસીઆઇ બેન્ક 1.45% ના ઉછાળા સાથે 1,248 ના ટોચના સ્તરે બંધ રહ્યો હતો, જ્યારે બજાજ ફિનસર્વ 1.37% ના વધારા સાથે 1,866ના સ્તરે બંધ થયો હતો. તે જ સમયે, નેસ્લે ઈન્ડિયા 0.84% ​​અને એચડીએફસી  બેંક 0.64% વધીને અનુક્રમે 2,531 અને 1,637ના સ્તરે બંધ થયા છે. આ પછી બજાજ ફાઇનાન્સ -1.16% ઘટીને 7,354 ના સ્તરે બંધ થયો, જ્યારે JSW સ્ટીલ 1.02% ઘટીને 930.95 ના સ્તરે બંધ થયો. આ સિવાય અદાણી પોર્ટ 1.01% નબળો પડીને 1,480ના સ્તરે બંધ રહ્યો હતો.

માર્કેટ કેપમાં ઉછાળો

ખાસ કરીને બેન્કિંગ અને મિડ-કેપ અને સ્મોલ-કેપ શેરોમાં ખરીદીને કારણે માર્કેટ કેપ રેકોર્ડ ઊંચાઈએ પહોંચી ગયું છે. BSE પર લિસ્ટેડ શેરોનું માર્કેટ કેપ રૂ. 465.48 લાખ કરોડના સ્તરે બંધ થયું હતું, જે સર્વકાલીન ઉચ્ચ સ્તરે છે. છેલ્લા સત્રમાં માર્કેટનું માર્કેટ કેપ રૂ. 464.85 લાખ કરોડ હતું. આજના સત્રમાં માર્કેટ કેપમાં રૂ. 63,000 કરોડનો ઉછાળો જોવા મળ્યો હતો.