Stock Market : શુક્રવારે સેન્સેક્સ અને નિફ્ટી ઉછાળા સાથે બંધ, આ શેરમાં જોવા મળી તેજી

ભારતીય શેરબજારમાં ટ્રેડિંગના અંતિમ દિવસે એટલે કે શુક્રવારે માર્કેટ લીલા નિશાને બંધ થયું છે. શુક્રવારે બીએસઇ સેન્સેક્સ 253 પોઈન્ટના ઉછાળા સાથે 73917 પોઈન્ટના સ્તરે બંધ રહ્યો હતો, તેવી જ રીતે નેશનલ સ્ટોક એક્સચેન્જનો નિફ્ટી પણ 62 પોઈન્ટના વધારા સાથે 22466 પોઈન્ટના સ્તરે બંધ રહ્યો હતો.

આજના ટોપ ગેઇનર્સ અને ટોપ લૂઝર્સ

મહિન્દ્રા એન્ડ મહિન્દ્રા, જેએસડબલ્યુ સ્ટીલ, ગ્રાસિમ ઇન્ડસ્ટ્રીઝ, અલ્ટ્રાટેક સિમેન્ટ, બીપીસીએલ, કોટક બેંક અને શ્રીરામ ફાઇનાન્સના શેરમાં વધારો નોંધાયો હતો.

શેરબજારમાં તેજી વચ્ચે ટીસીએસ, સિપ્લા, એસબીઆઈ લાઈફ, એચસીએલ ટેક, હીરો મોટોકોર્પ, બજાજ ઓટો અને નેસ્લે ઈન્ડિયાના શેર નબળાઈ પર ટ્રેડ થઈ રહ્યા હતા. મહિન્દ્રા, જેએસડબલ્યુ  સ્ટીલ, ભારતી એરટેલ અને હીરો મોટોકોર્પના શેર 52 સપ્તાહની ટોચે પહોંચી ગયા છે. 

મહિન્દ્રાના મજબૂત ત્રિમાસિક પરિણામો

ચાલુ સપ્તાહના છેલ્લા ટ્રેડિંગ દિવસે શેરબજારો ઉછાળા સાથે બંધ થવામાં સફળ રહ્યા હતા. શુક્રવારે ઓટો શેર્સમાં તીવ્ર વધારો થયો હતો જ્યારે બેન્કિંગ અને આઈટી શેરમાં નબળાઈ નોંધાઈ હતી. મહિન્દ્રા અને એચએએલના ઉત્કૃષ્ટ ત્રિમાસિક પરિણામોને કારણે બજારમાં તેજી જોવા મળી હતી. વૈશ્વિક બજારમાં આઈટી અને બેન્કિંગ બિઝનેસ પર દબાણના કારણે આ શેરો નબળા પડ્યા છે.