Gold Loan પર સોનાની શુદ્ધતા કેટલી અસર કરે છે, અરજી કરતા પહેલા આ બાબતો સમજવી છે જરૂરી

કોઈ ખાસ પ્રસંગે કે ઈમરજન્સીમાં કેટલીક નાણાકીય જવાબદારી પૂરી કરવાની હોય અને તમારી પાસે પૂરતું ભંડોળ ન હોય, ત્યારે આવા સમયે ગોલ્ડ લોન ખૂબ જ ઉપયોગી સાધન બની શકે છે. નોંધનીય બાબત એ છે કે તમને કેટલી ગોલ્ડ લોન મળશે તે મોટાભાગે સોનાની શુદ્ધતા પર આધારિત છે. શુદ્ધતા જેટલી વધુ હશે તેટલી વધુ લોન તમે લઈ શકો છો, જો શુદ્ધતા ઓછી હશે તો લોનની રકમ પણ ઓછી થશે. ચાલો ગોલ્ડ લોનમાં સોનાની શુદ્ધતાની અસરને સમજીએ.

સોનાની શુદ્ધતા એટલે શું?

સોનાની શુદ્ધતા કેરેટમાં માપવામાં આવે છે.  24K સોનું સૌથી શુદ્ધ છે, જેમાં 99.9% સોનું છે. સોનાની શુદ્ધતા જેટલી વધુ હશે, તેમાંથી બનેલી સોનાની જ્વેલરી તેટલી નરમ અથવા વધુ નાજુક હશે. તેથી જ તેની મજબૂતાઈ અને ટકાઉપણું સુધારવા માટે અન્ય ધાતુઓને સોનામાં ભેળવવામાં આવે છે.

24 કેરેટ (24K): 99.9% શુદ્ધ સોનું, ભાગ્યે જ ઘરેણાંમાં વપરાય છે.

22 કેરેટ (22K): 91.6% શુદ્ધ સોનું, ઉચ્ચ ગુણવત્તાની જ્વેલરીમાં વપરાય છે.
18 કેરેટ (18K): 75% શુદ્ધ સોનું, ઘણીવાર જટિલ ડિઝાઇનવાળા ઘરેણાંમાં વપરાય છે.
14 કેરેટ (14K): 58.3% શુદ્ધ સોનું, ઓછા ખર્ચાળ જ્વેલરીમાં વપરાય છે.

ગોલ્ડ લોન અને સોનાની શુદ્ધતા

સોનાની શુદ્ધતા એટલે કે ગોલ્ડ કેરેટ જેટલી ઊંચી હશે, તેટલું જ તેની બજાર કિંમત વધારે હશે. આ તમને પ્રતિ ગ્રામ લોનની રકમ પર અસર કરે છે. એટલે કે વધુ શુદ્ધતા એટલે ઊંચી કિંમત. 24K સોનું સૌથી શુદ્ધ હોવાથી, બજારમાં તેની પ્રતિ ગ્રામની કિંમત સૌથી વધુ છે. આ કારણે, 24K સોનાની સામે ગોલ્ડ લોનમાં પ્રતિ ગ્રામ સૌથી વધુ લોનની રકમ ઉપલબ્ધ છે. 22K સોનાની થોડી ઓછી શુદ્ધતાને કારણે, તે 24K સોના કરતાં થોડી ઓછી લોનની રકમ પ્રદાન કરવામાં સક્ષમ છે. આ જ રીતે 18K અને 14K સોના પર ઓછી લોન મળવા પત્ર છે. 

આ પણ વાંચો : જૂનું સોનું વેચી નવું ખરીદવા પર લાગશે 12.5% કેપિટલ ગેન ટેક્સ 

અરજી કરતી વખતે આને ધ્યાનમાં રાખો

શ્રેષ્ઠ ગોલ્ડ લોન મેળવવા માટે, તમારે કેટલાક પ્રયત્નો કરવા પડશે. ICICI ડાયરેક્ટ મુજબ, તમારી લોનની રકમ વધારવા માટે, જો શક્ય હોય તો ઉચ્ચ ગુણવત્તાવાળા સોના (22K અથવા 24K) ગીરવે મુકો. ગોલ્ડ લોન ઓફર કરતી સંસ્થા દ્વારા ઉપયોગમાં લેવાતી એસે પ્રક્રિયા અને તે તમારા સોનાના મૂલ્યાંકનને કેવી રીતે અસર કરે છે તેનાથી વાકેફ રહો. બહુવિધ ધિરાણકર્તાઓની તુલના તમને શ્રેષ્ઠ સોદો મેળવવામાં મદદ કરી શકે છે.